Press "Enter" to skip to content

Sagaing Ramtthen Ah Minung Ruak 12 Leng Hmuh A Si

Sagaing ramtthen, Shwebo pengkomh, YeeOo peng ah thlakhat chungah hlonhmi miruak 12 leng hmuh an si, cu miruak cu mibawmchantu phu hna nih khanghpiak an si tiah YeeOo khuachung ummi bawmchantu phu hna nih an chim. Miruak khangtu YeeOo khuachung um mibawmchantu pakhat nih cun ” April 1 ah miruak 3 kan hmuh, chunhnu deuh ah miruak 1 kan hmuh than, April 13, zinglei suimilam 7:30 ah ruak 2 kan hmuh, cun 23 ni ah ruak 1 kan hmuh,

24 ni zinglei ah ruak 1 kan hmuh than, April 26 ah ruak 2 le April 29 ah ruak 2 hmuh a si caah tuthla April thlakhat chunglawng ah miruak 12 hmuh a si” tiah a chim. Cu hmuhmi ruak hna chungin tamdeuh cu hliamhma he a thimi ruak an si i Cheukhat ruak cu lu loin hmuh an si i an min le an chungkhar tibantuk zong theih an si lo tiah mibawmchantu phu hna nih an chim. Credit; The Chin Post

YeeOo Peng Ah Mithi Ruak 12 Leng An Hmuh – The Chin Post

Relchap; Myanmar ram ah a luancia zarhhnih chung ah kokek harnak ruang ah mipi inn 200 leng a rawk tiah UN OCHA nih April 29 ah an thanh. Shan ramkulh chaklei Naungcho(နောင်ချို),Tipaw(သီပေါ), Lasio(လားရှိုး) Kotkhine(ကွက်ခိုင်), Ting Ne(သိန္နီ) le Muse(မူဆယ်) penh in khua 22 ah April 13 in 18 chung ah thlichia a hrang i highschool sianginn pakhat tel in inn 200 leng a rawk.

Kachin ramkulh Mungin(မိုးညှင်း) peng Ziphyokone khua zong ah April 17 ah ruah le thlicia ruang ah inn 20 le chaw dawr pawl an rawk. Rakhine ramkulh Kyauktaw(ကျောက်တော) le Hmyoh Oo(မြောက်ဉီး) peng zong ah thlachia a hran ruang ah ralzaam camp tampi a rawk. A rawk mi zat UNOCHA nih a hlat lio a si. Thlichia nih a den mi chungkhar hna cu an mah he aa pehtlaimi biaknak inn le an chungkhat sin ah an um hna tiah theih a si.

Shan ram lei thlichia nih a den mi chungkhar hna cu phaisa le hman an herh thilri pawl bawmhchanh an si cang i a dang hmunhma hna zong bawmh ding in milu zeizat an si ti an hlathlai lio a si tiah UNOCHA nih an cathanh ah an langhter. Myamar ram hmun tampi ah kahdohnak a fak chin lengmang i kokkek harnak ruang ah ralzaam le harnak a tong mi zong an karh chin tiah UNOCHA nih an chim. TCP

Nihin April 29 zinglei ah Magway ramṭhen, Myaing(မြိုင်) peng Tayatkan(သရက်ကန်) khua ah umhmun khuarmi SAC ralkap pawl cu Black Leopard(ကျားသစ်နက်ပျောက်ကျားတပ်ဖွဲ့) nih an kah hna caah SAC ralkap 50 leng an thi, tiah Black Leopard nih cathanh an chuah. “SAC ralkap pawl cu ceilak an thi, an mawṭaw 8 a rak phan, Anmah lei bawmtu ding an rat caah hriamthil kan la manh lo,

Hriamngan in an kan kah tuk caah kanmah lei in 2 an nunnak liam, cun hnu kan kir,” tiah Bo-Uhka(ဥက္ကာ) nih a chim. Nihin April 29 zing sml 5:00 in kan i kap i SAC ralkap 100 hrawng an si, cu chungah 50 leng an thi. Hi kahdohnak ah ṭangrual PDF i bawm in kan kah hna, tiah a chimchap.

#SAC Ralkap, Palik Le Pyusawtee Pawl Umhmun An Khuarnak PDF Nih An Kah ,14 An Thi. Magway ramṭhen, Yezakyu(ရေစကြိ) peng Pakhannge(ပခန်းငယ်) khua ah umhmun khuarmi SAC ralkap, Palik le Pyusawtee 40 tluk cu PDF ṭangrual phu hna nih April 28 zing sml 11:50 ah an kah hna i SAC leiin 14 an thi i 3 hliamhma an pu, tiah 27 Revolution Force-Minchan(မြင်းခြံ ) nih cathanh an chuah.

Pakhannge an camp cu bunker in an sermi a si i, seh meithal kahnak hmun, sniper kahnak inn le vawlei tang an phummi bomb pawl zong an tuah dih caah RPG zuun 2, 40mm zuun 7, seh meithal le meithal hme in kan kah hna. Annih nih an kan kap kho ti lo, an camp kan lak khawh lai te ah bawmtu mawṭaw 3 a rat caah hnu kan kir tak hna, tiah 27 Revolution Force-Minchan nih an thanh.

Pakhannge camp kahdohnak ah 27 Revolution Force၊ Minchan PDF Battalion 3, Myaung Special People’s Defense Force (MSPDF), 11 Brothers Revolution Force, Myaung Peng PDF, Phoenix Special Guerrilla, Hawk Querrilla, Thwaythauk Revolution Force၊ Peafowl Brothers phu hna an si, tiah theih a si.

Be First to Comment

Leave a Reply

Your email address will not be published.