Salai- CDF Hakha hruaitu hna hi khua kaupi a ruat kho an tam lai tiah ka ruah
CDF Hakha hruaitu hna hi khua kaupi a ruat kho an tam lai tiah ka ruah. D-Day an rak thanh thawk hrawng kha biatak tein ral an tuk, nain thla 2 hnu ah Kawlrawn lei cawlcanghnak a um tuk lo an i fian caah November thawk cun hmaitonh raltuk an hrial ngai cang.
Khuachung zong ah an i kap ti lo. CDF dirh thawk lio biakam ‘Kawlrawn lei an i biatak hnu lawng ah i biatak ve ding’ timi ning in an hruai cang hna, an fimkhur tuk cang. Uar an um tuk.
Lungfim upa nih an hruai hna caah atu cu khuami thinphang an um ti lo, a thar in khua a zamtakmi an um ti lo, a zam ciami Hakha an kir cio cang hna. Kei ka hawinu zong Yangon in Hakha a ka kir tak ve cang lai😢.
Peng dang CDF hna zong nih Hakha CDF fimkhur ngai in an i hruai ning hi i cawn kho ve hna sehlaw kan mino nunnak a liammi zong a tlawm deuh lai i mipi le inn lo zong a him deuh hnga ka ti. By- Lung Thli Tum
Silent Strike A Khamtu Hna Cu Fak Ngaiin Dan Kan Tat Hna Lai. Silent Strike a khamtu hna cu fak ngaiin dan kan tat hna lai tiah Honemalin mizapi uktu phu nih ralrin an pek hna. Mizapi hna nih Silent Strike, kutbengh in duhlonak langhter ah i tel dingin,
duhlonak langhternak a khamtu min cazin le duhlonak langhternak khenkham dingin fialtu cunglei bawi hna cu i cinken i a caan a rem tik paoh ah fak ngaiin dan kan tat hna lai tiah Honemalin mizapi uktu phu nih an thanh. February (1) Silent Strike hlan ah duhlonak langhternak ah i tel lo dingin tthihphaihnak a tuahtu min le zung cazin hna cu Honemalin mizapi uktu phu sin ah pek dingin an thanh.
Honemalin peng mizapi hna nih February (1) zing Sml(10)in zaanlei Sml(4:00) chung dawr on lo ding, i chawh leh lo ding le zaanlei sml(4:00) in (4:15) tiang kutbengh dingin mizapi sin ah an thanh chih. Ref; Delta News Agency, 21 the chin time
