Press "Enter" to skip to content

Salai Lung Thli Tum- A chia deuh dirhmun kan phan ve sual hnga maw?

A chia deuh dirhmun kan phan ve sual hnga maw? Syria rammi nih 2011 in President Assad cozah an rak doh, US le NATO nih mipi ralkap an bawmh hna.Minung ting 4 deng an thi, inn lo tam tuk a ciam. Ralzam dirhmun in ram kip an vaivuan.

Russia Putin nih Assad cozah a bawmh i fak takin an thuat than hna tikah mipi ralkap an sung. Atu cu Assad nih a uk than thiamthiam ko hna. Mah vialte minung nunnak an pek ko buin rammi cu a chia deuhmi dirhmun an phan lehlam.

Atu hi kan Chin mino hna nih miphun ca ah nunnak an pek thluahmah. Tuhnu nunnak tampi a liam rih kho. Teinak lam a bi tuk hringhran timi kan thei cio ko fawn. Mah buin frontline kal ding kan mino kan forh peng rih hna – kan mifim pawl nih.

Kan Chin mino nunnak a thong in a liam hnu zong ah luatnak le zalennak si loin a chia deuhmi dirhmun kan phan ve sual lai ti ka ruah ah ka lungtha lo tuk tawn. Credit; Salai Lung Thli Tum

Relchap; Chin rakulh Falam peng kahdohnak ah ralhrang lei a thimi an karh chin lengmang. Cu ruangah Kalaymyo lei in bawmtu ding ralhrang zeimawzat hna cu mawṭaw ngan pathum le Sniper meithal aa telmi mawṭaw hme pahnih an rak kai chap.

Cu hna cu Jan 17, tuni zinglei suimilam 10:30am hrawngah CNA,CDM Siyin, PDF Zoland, Zongam Army, CDF KKG-2 nih an kah hna i ralhrang 10 an thi, hliam a tuarmi zong an tam ngai tiah Civic Defence Militia (CDM) – Siyin nih an thanh. Ralhrang hna cu an lan ngam ti lo i Kalaymyo lei ah an kir ṭhan tiah Civic Defence Militia (CDM) – Siyin nih an thawngthanhnak ah an langhter.

Jan 17, Falam peng Lungbang khua kahdohnak zongah CNDF nih ralhrang 6 an thah hna tiah theih a si. Jan 14 kahdohnak zongah CNA,CDM Siyin, PDF Zoland, Zongam Army, CDF KKG-2 ralkap hna cu ralhrang nih raldohnak vanlawng in a kah hna tiah theih theih a si. Ref: The Chin Post

Be First to Comment

Leave a Reply

Your email address will not be published.