Press "Enter" to skip to content

Salai Lung Thli Tum Nih Kan Chin Mino Nunnak A Thong In An Liam Hnu Zongah Luatnak Zalennak Kan Hmu Hlei Lai Lo Ti Ka Ruah ah Ka Lung Tha Lo.

A chia deuh dirhmun kan phan ve sual hnga maw?
Syria rammi nih 2011 in President Assad cozah an rak doh, US le NATO nih mipi ralkap an bawmh hna.Minung ting 4 deng an thi, inn lo tam tuk a ciam. Ralzam dirhmun in ram kip an vaivuan. Russia Putin nih Assad cozah a bawmh i fak takin an thuat than hna tikah mipi ralkap an sung. Atu cu Assad nih a uk than thiamthiam ko hna. Mah vialte minung nunnak an pek ko buin rammi cu a chia deuhmi dirhmun an phan lehlam.

Atu hi kan Chin mino hna nih miphun ca ah nunnak an pek thluahmah. Tuhnu nunnak tampi a liam rih kho. Teinak lam a bi tuk hringhran timi kan thei cio ko fawn. Mah buin frontline kal ding kan mino kan forh peng rih hna – kan mifim pawl nih. Kan Chin mino nunnak a thong in a liam hnu zong ah luatnak le zalennak si loin a chia deuhmi dirhmun kan phan ve sual lai ti ka ruah ah ka lungtha lo tuk tawn.crd salai Lng Thli Tum

pehchap mi ..salai lung thli tum hi a caan tampi ahcun a bia chim nih kan ram kan ralkap lung hruaitu lung a fah ter si loin mipi lung thin zong a fah ter a tam cang,cu tik ah mipi nih a bia hi zei ah kan ruat lem lo,nain a chim mi bia hi a caan ahcun point an nei ko tiah ka hmuh.

naihrawng i a bia chim mi hi cu a hmaam ngai ko tiah ka ruah hna,video in kawlram ralhrang kan dohnak a chim mi le a tial mi pawl hi tha tein ruah set in ngai le rel ahcun,fim an kan chim tu ah a cang kho lai tiah ka ruah,nain hruaitu hi fak deuh in a soisel tawn hna i a poi pah ko.

Be First to Comment

Leave a Reply

Your email address will not be published.