Salai Lungthli Tum: Zahan Thantlang Raltuknak Ah Miphun Dawtu Pasaltha Van Bawi Hup Le Moses An Nunnak Liam Than, Palek Sakhan An Lak Hnu Ah Kan Unau (4) An Nunnak Liam Cang

Zahan TT raltuknak ah miphun dawtu pasaltha Van Bawi Hup le Moses an nunnak a liam than. Palek sakhan luh hnawh hnu in tuni tiang kan unau 4 an nunnak a liam cang. Ngaih a chia hringhran ko.

MAH ralkap cu thazaang an rak chap hna i February 14 ah khan TBC biakinn le Ah-Mah-Kah sianginn tiang an rak phan cang. Tuhi palek sakhan ah an lut than cang maw timi belte a fiang lo. Vanlawng he miakpi he nifatin hna het dih deng tiang in an kah peng ko hna.

Miphun ralkap hruaitu nih zeitindah biachahnak an tuah te hnga? Hmai nor chih ding or chikhat hnu i thawn rih(retreat) ding dah? A tha bik biachahnak an tuah nak hnga Pathian tu nih an lungthin ah rian rak tuan hram ko seh. Credit: Salai Lungthli Tum

Relchap; Sagaing ramṭhen, Kata peng Inkyi khua cu SAC nih an luhhnawh i an kir hnu ah meithal he kah a tongmi ruak 7 kan hmuh tiah Inkyi khuami hna nih February ni 15 ah an chim.

Kum 18 tluk hrawng simi pa ruak hmuh an si nain Inkyi khuami an si lo tiah tualchung mi pakhat nih a chim. “Minung 4 ruak hi hmun khat ah kan hmuh, cun 3 ruak hi a dang hmun khat ah kan hmuh. Inkyi khuami cu an si lo, SAC nih an rak i hruai mi hna an si kho men, shower kedanh an i danh hna i mino tete an si. Ruak kan hmuhmi hna hi SAC nih an rak i hruaimi Shan ram chaklei Mabein peng Ngao khuami an si kho” tiah a chim.

SAC nih February ni 11 in 14 tiang Inkyi, Mayngo, Tattoelay, Tayakone khua hna cu luhhnawh in tualchungmi umnak inn a khanghpiak hna caah khua li ah inn 700 hrawng a kaang tiah tualchung mi nih an chim. RFA

VANLENTINE DAY LE RALTEINAK ORDER Part (3) Valentine Ni A Thiang Thitumnak Le A Thiangmi Raldohnak Asimi Pau Dohthlennak. Valentine Ni lawngah Nuva le nungak Tlangval hi kan I dawt awk asi lo.

Zungzal I dawt ding ah le Vacung paduh / Nupi cung nu duh kan silo hi abiapibik mi asi. Cucu Valentine day amuru le A Thiang Ṭhitumnak sullam cu asi nain. Virgin (Parṭawh loin) aa um mi le Lehthah mi kan si zong ah kan I ṭhen ṭhan ahcun A Thiang Ṭhitumnak cu pakpalawng asi I, Valentine Ni zong Sullam a ngeih ve ti lo.

Adik mi Duhdawtnak he zungzal len ṭi awkah, a konglam tampi ruangah A Thiang Ṭhitumnak puai tuah awk ah asi khawh ti lo zongah zungzal I ṭhen loin Pathian chungkhar kan siam khawh ahcun Valentine Ni Sullam a ngeih I, A Thiang Ṭhitumnak zong a hlawhtlin ve hnga.

Pathian nih a fonh mi hna cu minih siseh, kanmah pumpak nih siseh, ṭhen hna hlahseh timi Pathian bia cu A Thiang Ṭhitumnak tuah ṭung I, lung I hmuh thiam lo ruangah le zuangzam ruangah I ṭhen ṭhan kha asi lo.

Zungzal I ṭhen loin Pathian chungkhar siam in chungkhar vanram nuam siam kha Valentine Ni amuru cu asi. Cucaah Pathian Min in zungzal nupa si a duh mi nih Kumkhat ah voikhat te lawng Valentine NI hman cu sullam a ngei lo.

Nifatin, can fatin cu NUPA caah Valentine Ni an si awk asi. Zungzal lenṭi awk ah saduhthahnak a ngeih lomi le cantawi ca lawngah aa daw mi hna lawng nih Kum 1 voi 1 in Valentine Ni hi kan tuah awk asi.

Kan I dawtnak fekter tu ah Valentine Ni kan tuah mi cu a dik ko nain, kan I dawtnak hri a fek ter tu asi abiapi tuk fawn. Kawl VAI, Mirang Nawl Cawng in Valentine Ni hi kan lawmh awk asi lo. Vakok / Vapual Titsa ngei timi sullam cu Nifatin Valentine NI ah hmang uh tinak asi.

Chocolate tu I pek loin Lungthin I pek kha Valentine Ni amuru cu asi. Nan ei khawh ci si hnga maw? Valentine Ni cu Raltei duh ruangah aa thawh mi asi bantukin Kawl Ralhrang kip tei awk ah mah le Pahrang cio in le Mah le khap Tawk tein kan i tel cio ding asi. Cu lawngah Valentine Ni hi sullam a ngeih ve ding asi.

Ramchung Ramleng chin mi nih tampi in kan thawh lawngah Ralhrang a tei ding kan si. CNF CDF lawng hi ramdawt tu ah rinh loin kan ngeih mi dihlak in kan bungh hnawh can kha an phan cang i a tlai lei hmanh khi asi cang.

Athiangmi Raldohnak Pua Dohthlennak asi caah KRFI bu phaisa zong tampi in kan hman awk asi ko. Cu lawng ah ZUmhtu dik le Adik mi KRIFA kan si lai i Valentine Ni cu a dik in a hmanmi kan si ve hnga. By- JRT