Press "Enter" to skip to content

Salai Sui Hnin CDF Hruaitu Pakhat A Si Mi Nih CDF An Dir Hmun Kong A Chim Mi Pawl

ramchung um mi nu le pa u le nau mipi nan cungah CDF aiawh in lunglomhnak van langh ter kan duh ,a ruang cu kan um to nak ah kan fa le tiah umtonak nan kan pek i nan kan zoh khen zungzal,cu lawng si loin ram leng um mi mipi nan cungah nan suingun chawva in CDF nan kan bawmh caah kan i lom tuk hringhran,CDF kan nih cu mipi nih nan dirhkamhnak thawng in kan dir kho,mipi nan thanngzang pek nak thawng in kan lung a thawng i hmailei zong ah thangzang kan pe peng rih ko uh.

CDF ral kan tuknak ahhin um pi tu tanpi tu kan nei zungzal cucu kann biak mi kan Pathian asi,ral ram kan kal tikah meithal kuan hi ruahpi bantukin a sur caan a um i ka lu cung te hna ah a kal ko naan a kan nganh,kan pawng i a dirh mi thingku hna hi kiak dih le purh dih in an kah zongah kan mah minung cu Pathian nih an kan ven him zungzal.ral i doh ahcun thih le i thliam locun um awk a tha lo cu teh,a thih mi zong kan um ko a hliam mi zong kan um ko,nain kan hliam le kan hma cu a fak lo kan ram le miphun a that nak ding ahcun tiah a langhter chap.

a donghnak mipi sinah bia cah kan duh mi hna cu,na hmur hi kan cip piak deuh ko uh,nan fa le na nau le nan call tik hna ah,ral kan bawhnak ding hmun le hma kan kal nak ding hmun kan in chimh tik hna ah misin ah va chim chin hlah uh,zei ca tiah nan inn pa chaktthlang sinah nan chim tikah an va chin lengmang i a dongnak ahcun danlan sinah bia a phan i,ralhrang nih kan um nak le tuah kan i timh mi an rak thei tawn cucaah cun bia chim hi kan sum piak deuh ko tiah nawlnak zong a tuah chap.

SalaSui hnin hih a tu lio ah CDF ah hruaitu pakhat a si i,ral an i dohnak ah a
nih hi hliam hma fak ngai in a tuar i , a tu hi Aizawl sizung ah a thlopbul cuah mah lio,cu caah Vawleicung hmun kip ah a um mi laimi kan unau hna nih thlacam nak in bawm cio ko hna usih,ka dam tik zongah ram le miphun caah kei cuh rian kan tuan peng ko lai tiah,a nunnak cu ram le miphun caah hmang ai tim mi pa pasal tha si.

thawngpang dang..Ralhrangbu cunglawi bawi hna nih an kuttang ralhrang bawi nupi hna cu a voikhatnak raldoh cawnnak an tuahter hna tiah theih a si. Captain le Colonel (ဗိုလ်ကြီးနှင့် ဗိုလ်မှူး) hna i an nupi le hna cu Mandalay ramṭhen Pyin Oo Lwin,Shan ramkulh Taunggyi le Aungpan khua i a ummi ralhrang hna sinah kan hnuzarh khan an thawk i zarhhnih chung an cawng lai. An cawnmi chungah meithal kah lawng si loin hriamngan hman ning le raldoh ning cheukhat hna an i tel tiah cawnnak aa telmi hna nih an chim.Ku 2021, Feb 1 i nawlngeihnak lak hnu in ralhrangbu hnuchit in a zammi an tam cang caah minung a i nguhdeih ti lo i atu bantukin an nupi le tiangin raldoh an cawnter hna hi a si tiah The Irrawaddy nih cun a ṭial.

Hmasa zongah ralhrang nupi hna raldoh an rak cawnter cang hna nain bawi hna nupi tiang cawnter a rak um lo. Pyin Oo Lwin i ralkap university i Captain nupi pakhat nih cun “A voikhatnak ralbawi hna nupi le raldohnak cawnnak kan ngei. Tutan cawnnak ah Captain le Colonel nupi hna kan i tel” tiah a chim.Ralbawi nupi hna raldoh cawnnak cu a rauh hlan ah ram pumpi i battalion kip ah thawk a si lai tiah theih a si. A voikhatnak cawnnak ah aa telmi pakhat nih “Zeiruangah ti kan thei lo, anmah nih cun a herh caah an kan ti ko” tiah a chim.

Hmuhtonnak tampi a ngei cangmi tlangcung hriamtlaibu hna le ralhrang uknak duh lo ruangah lungfah in hriam a tlaimi mizapi ralkap he kahdohnak ah ralhrang cu nikhat hnu nikhat an thimi an tam chin lengmang. Cu pinah ralhrangbu hnuchit in a zammi ralkap zong an uCuti i a thimi le a zammi hna airawlh kho dingin ralhrangbu nih anmah ṭanhtu Pyusawhtee, USDP chungtel cheukhat le ralkap hlun hna chungin minung an kawl peng tiah theih a si. Ref: The Irrawaddy, The Chin Postm peng fawn.

 

Be First to Comment

Leave a Reply

Your email address will not be published.