Press "Enter" to skip to content

Salai Tluangte _ Mihrut Bawino Van Biak Tling, Nangmah nunnak ruah lo na naule ca ah a sunglawi tukmi nun na hlaan

Mihrut Bawino Van Biak Tling – Nangmah nunnak ruah lo na naule ca ah a sunglawi tukmi nun na hlaan, Na ke a kiah buin ee na naule na chanh hna. Na thisen a tlak cuahmah buin aw ka naule pei an si cu tiah na chanh hna. Ka naule thihnak in keimah thi ko ning tiah na theih bu bakin na pah chih Naa pasalter tuk i a huat bak in kan hua… Credit; Salai Tluangte

Kum 2019 cazin ning in Kaya ramkulh chung minung dihlak 390210 an um i, cu chung ah minung 199615 cu ral an zam (zatuak 51.16) tiah ISP- Myanmar nih a langhter. Demosoe peng in minung 78265, Loi kaw in 52311, Phekhung in 51000, Hprosu in 6903, Phasawng in 4000, Bawlah in 3741, Shiaṭaw in 2395 le Mayseh in 1000 an si. Vanlawng kahnak le a dangdang in a thimi mi sawhsawh hi 2021 May 21 in 2022 April 30 tiang ah 112 an si.

A thimi hna chung ah SAC ralkap nih an thahmi, hriamngan kuan nih a khenmi le kahdohnak ah a zam kho lo i, a thimi hna an i tel tiah ISP-Myanmar nih a langhter. SAC ralkap nih mizapi inn an khanghmi le hriamngan in an kah i a rawkmi hi 2021 May 21 in 2022 April 30 tiang ah 714 nak tlawm lo a si. Cu cung ah Khrihfa biakinn le biaknak he aa pehtlai mi inn pawl zong aa tel tiah theih a si.

Rakhine ramkulh Ann khuapi chung hmun 4 ah mipi inn 200 fai cu SAC nih kanmah hmun hmun a si caah May 15 hlan ah hrawh dih a si lai tiin Ann peng Department of Medical service nih thawng an thanh. A tu ah inn 100 cu hrawh piak an si cang tiah theih a si. Nihin (May 7) ah vanlawng ground sang i mipi inn 70 leng hrawh piak kan si cang tiah inn hrawhpiak a tong mi U Maung Gyi nih lungnuam lo ngai in a chim.

” Hika hmun ah kan umnak hi kum 20 a si cang. Ri en in kan ummi le kan ummi zong a si lo.Hi ka hmun hi palek nih an rak zuar mi a si i kyats sing 1 in kan rak cawk. A tu ah squatter’s house(ကျူး) a si tiin a kan hrawh piak, hi kong ah kan lung i sak awk a tha lo,” tiah a chim. A luancia April thla dongh zarh ah khan Ann khuapi chung ah ummi Natsinkone(နတ်စင်ကုန်း), khah-mah-yiah(ခမရ) 371 pawng sianginn pakhat, dawr khaan pawl le mipi inn tel in inn 50 SAC ralkap le palek nih an hrawh piak hna.

Inn hrawh piak a tong mi hna cu an chungkhat inn ah an um chung hna i an sungh mi kong ah cozah nih liamh ding zong an i ruah chan. A luancia March 10 zong ah khan Sittawi(စစ်တွေ) khuapi thlanhmun le tlanglawng lam kam ah ummi squatter’s house 300 leng cu SAC nih thazaang hmang in an hrawh piak hna. the Chin Post

Be First to Comment

Leave a Reply

Your email address will not be published.