Press "Enter" to skip to content

Shewbu Peng Chung Khua Kahdohnak Ah Nunnak A Liamtu PDF Ruak (15) Cu Mei in An Ruak Khangh Hna

Sagaing ramthen Shewbu peng chung Na Ma Sa Yit khua kahdohnak ah nunnak a liamtu pasaltha PDF ruak (15) hna cu mei hmangin ruak vuinak kan ngei tiah Snake Eyes PDF nih cathanh an chuah.
SAC ralhrang ralkap i kharkhum a tongtu PDF ruak pawl cu Febuary 27 lawngah kan laak khawh hna i,

hmun rem pakhat ah tha tein mei hmangin ruak vuinak kan tuah tiah cathanh an chuahmi ahcun an langhter.
Na Ma Sa Yit khua le Yi Phyu Kung khua cu SAC ralhrang ralkap nih Febuary 25 ah khan hriamngan lawngte hmangin kahdohnak a tuah hnuah khua chungah luhhnawh hratin khuami (6) an thah pinah khua cu a ning piin mei an khangh.

Cucaah PDF fonhmi phu nih cuka khua hnih i mipi hna cu bawmh dingah an kalnak ah SAC ralhrang ralkap he Yi Phyu Kung khua luhnak ah hmaiton bakin an i hmuh caah fak taktakin kahdohnak a chuak tiah an langhter.Kahdohnak ahcun SAC ralhrang ralkap nih cawl loin hriamngan lawngte hmangin an kan kah, meithal zongin cawl loin an kan kah ruangah hriamnam aa thlau tuk caah Paung Chaing ပကဖ phu ah PDF (15) bak an nunnak a liam tiah an langhter.

 

RELCHAP……..Google Maps Ukraine Ah Thah Piak An Si A Ruang Cu Russia Ralkap Nih Hmun hma Kal Nak Thei Hna Hlah Seh Ti Ah An Thah Chung
Google maps cu chikhat te Ukraine ah thah piak an si a ruang cu Russia nih lam le hmunhma kawl i har deuh hna seh tiah an thah mi a si,zei caah tiah Google maps ahcun a tling dih tikah tahchun nak ah restaurant market lian dawr lian hei ti pawl kha google map ah a um dih tik ah ukraine ah an thah lo cun Russia ralkap nih mipi um dehnak hmun hei ti le market hei pawl bomb an thlak sualti phan a si caah a thah nak a si.

Ukraine mipi an himnak ah tiah vawlei cung mi nih zei lei poh in Russia cu doh cio a si,a tu i google maps a thah nak piak hna hi nai ah Russia ni airport ti ban tuk cun mi tam deuhnak ah inn ah a bomb kha a rak thlak hna cucaah kha google map lawng tein control le kawl mi a si caah a tu hi google nei tu nih an bawmh hna i an thah piak hna asi.a tu i Ukrain mipi refugee bantuk in a zam mi minung hih 400,000 hrawng an si,hi hna lak ahhin a tam deuh cu tar le nu le hngakchia an si,mino deuh poh cu ralkap ah anluuh dih ngot ko tiah thei asi.

Google lei in ukraine ah geegle map kan thahnak a ruang bik cu,mawtaw kan mong tikah hmun kalnak a hmuh sak hna zei cakan rauh lai,lam hi traffic a tam maw ti pawl zong a thei i a hmuhsak dih hna,cun hmun ah zei bantuk hmun minung an i but nak hmun a si maw,market lian a si maw ti kha a thei dih cu tik ah Russia nih cu bantuk in zoh in mi pi tamnak ah bomb an thlak sual lai tiah kan thah chung nak asi tiah an chim.

Be First to Comment

Leave a Reply

Your email address will not be published.