Sifak Caah Ngeihchia Si Ko Mu : Hakha khua chung facang dawr tam deuh ah facang man a kai

Hakha khua chung facang dawr tam deuh ah facang man a kai
==========================================================
Hakha khua chung facang dawr tam deuh ah facang man a kai tiah February 16 ah facang zuartu hna sin in kan theih. Hi kong he pehtlai in A Nawn facang dawr ngeitu Pi Khuang Cer Nawn nih, “Atulio cu facang man a kai. Tun khat ah Ks. 1,000 asiloah Ks. 3,000 tiang a kai mi hna a um. Kan kainak a ruang cu kan laknak ah a kai ca ah a si. A hlun pawl cu amah ning tein kan zuar ko. Thaal caan chuah lai ah hin kum dang zong ah facang man a kai tawn,” tiah The Hakha Times ah a chim.

“Atulio hi facang kan laknak aman a kai ca ah kan facang man a kai ngai. A kai hlan ka facang man cu tun khat ah Hmaw-bi Ks. 30,000, Ka-nan-hmuai Ks. 53,000, Aye-yar-min Ks. 45,000 le vok rawl Ks. 18,000 an si. Atulio ka facang man tun khat ah Ka-nan-hmuai Ks. 55,000, Aye-yar-min Ks. 48,000, vok rawl Ks. 19,000 an si i, Hmaw-bi cu a thar ka la rih lo,” tiah Kywe-zu-shin facang dawr ngaitu Pi Aa Siang Cuai nih The Hakha Times ah a chim. Hakha khua chung ah facang lawng si loin chiti le petrol man zong a kai ngai tiah kan theih. Crd: The Hakha Times