Tamu Ah Nikhat Chung Ah Covid-19 Mizaw Thar 59 Hmuh An Si!
Sagaing ramṭhen Tamu ah nihin January 24, high school no.2 sianginn saya le sayamah telhin sianghngakchia le an nu le pa minung 53 cu siizung ah Covid zawtnak an ngeih le ngeihlo check an si i, cu chung ah cun minung 6 sin in Covid zawtnak hmuh an si. Covid zawtnak hmuhthar mi dihlak hi minung 59 an si, tiah theih a si.
Nizan January 23, Tamu general hospital ah Covid-19 in a zawmi mizaw 29 an um ṭhan caah Covid zawtnak a ngei mi dihlak hi minung 88 an si cang. High school no.2 sianginn ah Covid positive hmuh mi mizaw hna cu an umnak sianginn ah zohkhenh an si. Tamu khua mi pakhat nih cun, “Covid zawtnak hi a karh tuk nain dawr zong on cio an si ko, puai tuahnak zong a um i mibu tonnak zong a um peng ko, leng chuah tik ah ralrinnak ngei lo in mask zong an i hup hna lo,” tiah a chim. Zalen
THAWNGPANG DANG: Ralhrang Chuah Mi Thilphorh A Um le Um Lo Checknak An Tuah!; Sagaing ramṭhen, Shwebo pengkulh, Khinoo peng chung ah a um mi lam pawl ah ralhrang nih chuah mi thil a phor mi an um le um lo mipi vengtu ralkap nih nihin January 24 ah checknak an tuah. Ralhrang nih chuahmi thil pohpoh le ralhrang he aa pehtlai mi thil pohpoh cu KULG phu nih kan hrawh dih lai, tiah cathanh an chuah. Khualtlawng mipi dihlak zong nih checknak kan tuah mi lungtling tein nan kan cohlan piak lai, tiah mipi sin ah nawlnak an tuah chih.
