Press "Enter" to skip to content

Tedim le Chin Ramkulh Thlanglei Ah Thilri Phur in, Thilri Man Kai Lo Dingin Mizapi Ralkap Nih Ralrinpeknak An Tuah

k

Kahdohnak afah khawh caah Tedim khua telh in Chin ramkulh thlanglei ah thilman akai caah eidin ahlankanh in i zalhding in January 16 ah ralrinnak an pek hna.Ralhrang hna le mizapi ralkap cu January 12 thawk in Sagaing ramthen le Chin ramkulh thlanglei pehtlaihnak zalampi ah kahdohnak fak achuak.

Kahdohnak ruangah Chin ramkulh thlanglei ah thilri alut kho ti lo khuachung i a ummi thilman akai, khuami mizapi nih eidin an cahnak hnga lo thilri dinei zuarmi hna zong nih thilman kai lo dingin PDA nih nawlnak an tuah. Thilman leng in akai mi hna cu thawngpeng dingin PDA nih theihternak an tuah fawn.

Kahdohnak hi Kalay in Tedim, Tonzanh, Falam, Hakha, Thantlang pehtlaihnak lam, Kalay-Taingen lampi um Thezang khua le Hingzang khua pawng hna ah achuak.Ralhrang hna cu mizapi ralkap fonh PDF Zoland, CDM Siyin, Zongam Army, PDA, CNA, CNDF, Zomi PDF, Kalay PDF hna le kiangkap mizapi ralkap fonhin kahdohnak tuah asi tiah PDF Zoland nih an thanh.

RELCHAP THAWNGDANG..Phapon peng chung Mepali BGF riahbuk KNLA Brigade 5 nih an lak Kayin ramkulh, Phapon pengkomh, phapon pengchung Mepali khua ummi Kayin ramrihngak ralkap BGF riahbuk pakhat cu KNLA Brigade 5 nih January 16 ah an kah i an lak tiah KNU Brigade 5 in chimnnak naqlngeitu Pdumanman nih achim.

Hi riahbuk hi Kayin ramrihngak ralkap BGF no.1014 batalian tang riahbuk asi i KNLA Brigade 5 Batalian 102, Tatkhuai 5 hruainak in lakmi asi tiah theih asi. Ralhrang kuttang Kayin ramrihngak ralkap BGF ralkap hna cu ralhrang sinah na fonh i na bawmh rih ahcun BGF riahbuk paoh kan in kah lai tiah KNLA Brigade 5 nih a hnubik ralrin an pek cang hnu ah zarhkhat rau lo ah BGF riahbuk an kah i an lak hi asi.

Be First to Comment

Leave a Reply

Your email address will not be published.