Teinak Cu Mipi Kut Ah A Hngatmi A Si (a um) Tiah NUG Vuanci Nih A Chim
Raldohnak Asiloah Dohthlennak Teinak Cu Mipi Kut Ah A um Tiah NUG-Vuanci Nih A Chim! Raldohnak asiloah dohthlennak teinak cu mipi kut ah a um i, pehzulh in kan tuah tuan ahcun teinak cu kan hmuh hrimhrim lai tiah NUG cozah nuhrin covo lei vuanci simi U Aung Myo nih a chim.
Astralia ram ah a phanmi Kawlram chuak tefa hna nih duhlonak langhternak an tuahmi ah telpi in a chimmi cu, teinak kan hmuh hrimhrim lai tiah fek tein, lungrual tein pehzulh in kan tuah tuan cio ahcun teinak kan hmuh hrimhrim lai tiah a chim hi a si.
Kannih nih kan zumh dingmi thil pakhat cu, biadik le a hmanmi thil tha kan tuahnak ah tuanbia nih a kan pekmi rian cu kan lim hrimhrim awk a si. Cucaah mah pumpak cio ah thisen daihter hrimhrim loin kan tuah tuan ahcun teinak kan hmuh/co hrimhrim lai.
Teinak cu kanmah kut cungah a um ko nain cu teinak cu pehzulh in kan tuah tuan lo ahcun kan sungh bak ko lai. Asinain teinak cu pehzulh in kan kalpi i, lungrual tein hmunkhat ah Kawlram thatnak ding caah kan tuanti hrimhrim lai timi lungput le ruahnak kan ngeih ahcun teinak kan hmuh hrimhrim ko lai, tiah a chim.
Atu tiangah hramhram uktu SAC ralhrang nih Kawlram cu hriamnam in uk ding/hruai dingin aa zuam cuahmah nain teinak a hmu kho lo i, a lamkip in sunghnak lawngte in a khat cang timi cu kan dihlak nih hmuh dih le theih dihmi a si caah mipi nih teinak lungput he hmailei ah pehzulh in tuanti dingin U Aung Myo nih forhfialnak a chim hi a si. Kum 2021 Dec 10 ah rak tuahmi “daiziar tein um” duhlonak langhternak ni ah Yangon Suu Lee lampi hmanh mahti hin a si.
Ref: The Federal Times
