Thailand In Kawlram Ah Myanmar Mi Pakhat Cu Ṭhawl Dawi Ding Asi Caah Kawlram Kir Hnak Cun Tiah Thailand Thonginn Ah Hri In Aa Awk
Thailand ram chung ah phungning loin ramri lonh in a rak luh ruang ah an tlaih i, Thailand ram in ṭhawldawi ding mi Myanmar ram mi pakhat cu an chiahnak palek thonginn pakhat chung ah hri in ai awk, tiah Bangkok Post nih a ṭial.
Thailand ram Phara-Paradan pengkomh palek sakhan ah nizan February 6, zinglei ah Myanmar ram mi kum 35 hrawng mi pakhat cu hri in ai awh hi asi i.Hi pa hi kan hnu kum 2021 lio ah khan Thailand ram ah a thli tein a rak lut mi a si i, an tlaih lio ahhin rithaisii he an rak tlaih chih mi a si, tiah Bangkok Post nihcun a langhter.
Thailand Cozah nih an ram in ṭhawl ding ah bia a khiah i Palek sakhan ah thong an tlak. Nizan zing suimilam 2:30 hrawng ah Thong duty palek pakhat nih thonginn chung ah a bawngbi hmang in a rak i awh i a thih cu a hmuh, tiah theih a si. A ruak cu chekfelnak tuah ding in Bangkok sii-inn ah an kalpi i, hri ai awhnak hmun zong hi CCTV Cemera lawng zumh a um thlu lo caah chekhlatnak an tuah lai. Hi Myanmar ram mi pa hi a lungrawh tuk ruangah amah le mah ai thahnawn hi a si lai, tiah zumh a si.Crd.THE CHIN POST
THAWNGDANG.“Combodia Prime Minister Hun Sen nawknak ruangah ralhrang nih an tlaih mi Australia rammi Professor Dr. Sean Turnell cu Nizan, Febuary 6 ah an thlah ṭhan cang, tiah theih a si. Australia ram mi Economic thiamsang Dr. Sean Turnell cu ralhrang nih tlaih mi Daw Aung San Suu Kyi nih a hruai mi NLD Cozah chan ah Economic lei ah Daw Suh ruahnak petu a si i, ralhrang nih ‘rampi phunghram na buar’ ti in sualphawt in an tlaih i kum 14 thong tla ding a si.
Australia Cozah nih Combodia Prime Minister Hun Sen sin in SAC ralhrang sin ah nawlnak bia an cah caah kumkhat chung an tlaih cang mi Dr. Sean Turnell cu an thlah ṭhan i, January 7 i Hun Sen le Min Aung Hlaing tonnak an ngeih lio ah Hun Sen nih Dr. Sean Turnell thlah ding ah Australia cozah biacah cu a chim i Min Aung Hlaing nih cohlanpiak in ‘a thlah lai’ tiah bia a rak kamh i, nizan february ahkhan luatnak a pek,” tiah Mizzima thawngzamh nih a ṭial mi kong ah VOA nih SAC ralhrang biachimnak nawl ngeitu Zaw Min Htun an hal tikah ‘thawngdeu a si, a dik lo’ tiah a leh hna.
