Thangtlaang kong Thawngthar A Tunai Thantlang I Kahnak AH Ralhraang Lei In Pahnih a hmun an thi i, CDF,CNA Lei in Pasal Tha Pakhat Nih Ram le Miphun Caah A Nunnak A Pek Ve
Tuzing, Thantlang ikahnak ah CDF-Thantlang in pakhat a nunnak a liam i pakhat hliamhma apu. Cun, CNA Sergent (sen 3) hliamhma a pu ve. Kachin in commando training a dihmi, bochan taktakmi asi. Nunnak a pemi pasaltha upatnak kan pek, taantakmi chungkhar Bawipa nih hnemh hram ko hna seh.Hliamhma a tuarmi hna an dam zaunak lai thlacam bawm cio hna usih!
Ralhrang lei hi thi le hliam an tam pah lai tiah zumh asi.i kahnak ah hin Ralhraang lei in hmun ril bak i an thah mi hna hi minung 2 hi cu hmunril ah CDF,Thantlang nih an kah thah khawh hna pinah a dang zong hi a thi mi an um len lai tiah an zumh chih fawn hna.
Hi i kahnak ah hin ralhraang lei nih cun ttihphannak he meithal/miakpi kan ti lai,cucu tong te kah in an kah,an puah chih caah CDF lei in minung pakhat a nunnak a liam nak hi asi.CDF,Thantlang nan nunnak a liam lengmang mi hi a poituk e,nan ttuannak le nan liamnak a lak a si lai lo.Hi kong hi lailei um mi sin in theih mi a si.Credit-Salai William HCHi
thawngdang rel chap.Thantlang Khuapi In Ralzaam Mipi Hna Nih Covid Zawtnak Khamnak Sii An I Chunh Khawh Nakhnga Bawmh Halnak! Thantlang khuapi chung kahdohnak ruangah khuapi chung ummi mipi hna cu pawngkam khuate leikap ah himnak kawl in ralzaam in an um hna. Atu ahcun ralzaam mipi hna telh in Thantlang peng chung ummi mipi zat hi thongsawmnga (50000) tluk an um.
Minung cu zat ummi hna cu ramchung buainak le kahdohnak ruangah nihin ni tiang covid zawtnak khamnak sii zong an i chunh kho rih hna lo tiah theih a si. Covid zawtnak i chawnhnak hi vawi tampi a chuak than lengmang caah mipi tampi nunnak a liam hi a si. Cucaah Thantlang peng chungum mipi hna caah covid zawtnak in an i kham khawh nakhnga,
i vennak sii asiloah i khamnak sii (vaccine) cu a vawikhatnak ah tarnu le tarpa deuh le zawtnak dang a ngeimi hna, CDF Than Tlang, Zophei/Mara/Lautu hna caah tiin covid vaccine an i chunh khawh nakhnga timhtuahnak an ngei cuahmah liopi a si.
Cu bantukin covid vacvine an i chunh khawh nakhnga phaisa tampi a herh caah bawmnak an herh taktak. Cu a herhmi phaisa hna bawmnak an pek khawh nakhnga bawmnak kan in hal hna hi a si.
Ramchung ah a ummi bawmtu hna nih Thantlang Placement Affair Committee (TTPAC) sinah direct in bawmnak pek khawh a si. Ramdang ah a ummi bawmtu hna nih Global Thantlang Relief Organization sinah pehtlai in bawmnak pek khawh a si. Crd; The Federal Times
