Thantlang Ah SAC Ralkap Nih Helicopter In Hriamnam, Eidin Thazaang An Chap Lio Ah CNA, CDF Thantlang Nih Drone In An Phomh Hna, Lung A Hmui Kho Taktak Si

February 26 ah SAC nih Thlantlang khua hrambunh Infantry 269 sin ah Mi 17 Helicopter in hriam le eidin thazang a rak chap lio ah CNA, CDF-Thantlang nih Drone in bom an thlak hnawh hna caah an buk a kaang tiah theih a si.

Cun Thantlang khuachung kahdohnak chung ah SAC nih Jet Fighter in kahdohnak a tuah caah mipi inn cheukhat zong a kaang chap tiah Chinland Information Center nih a langhter.

Chin ramkulh, Thantlang khua ah nifatin in kahdohnak a fak i SAC nih vanlei kahdohnak voi tampi a tuah. Kahdohnak chung ah mipi hriamtlai phufonh lei in a nunnak a pe mi cheukhat an um bantuk in hriam le kuan tamtuk zong an hman cang tiah theih a si. TCP

Relchap; Khah relloin um hlah uh hih rel ve hrim uh … NUG Nih Tuluk Le ASEAN He Aa Kawp Ahcun Federal Dik Kan Hmuh Lailo (Part2) Tuluk cu ASEAN, SAC, NUG, EAOs lawng siloin Ukraine zong an tawn hna.

USA Tamada Mr. Joe Biden nih Ukraine ah a thli tein a kal. A kal lai ah Russia cu Ukraine ka kal tiah thawng an hei thanh hna. Thil Poipang aum sual ahcun Russia nan si lai ti nak asi. Media 2 lawng Ukraine zulh awk ah an chimh hna. Vanlawng an phan in an phone an fim piak hna.

Joe Biden cu ahman tawn mi Vanlawng le Leilawng ahman ti lo. Ukraine ah Security laktu Ukraine Ralkap hi mitbenh le hnarhuh he an si. An meithal tlaih dan le an umtu cu USA Army he an I lawh ngai. A thli tein USA ralkap an lut rua a ti mi an um bantukin, Ukraine cu USA nih tindan pek mi asi caah a timi aum.

Russia ral an sungh ahcun Tuluk lawngin American dirh onh ding kha Tuluk nih a ngamh lo caah, PEACE tuah ding in Tuluk nih Ukraine cu a kal I a lemsoi hna. Ukraine cu laklawh ngai in an um, Crimea tiang kan lak dih hnu ah ral dih seh tiah Ukraine Tamada Zelenskyy nih a ti nain, Tuluk cu lakhruak ah an cohlan phawt ko.

American nih Tuluk nih Russia cu hriamnam in an bawmh sual lai ti an phan caah Zelenskyy c u Tuluk cohlan ko tiah bia an cah ve. Russia nih cu PEACE an duh dueh cang. PEACE karlak ah thazang lakin Ukraine tuk ṭhan in lak kha an duh ti asi caah Ukraine nih an duh lo.

Putin nih Vawlei le Russia lawng pei kan I doh cu tiah a zai lengmang ve. Ukraine bawmhtu hi Ram 52 leng asi ti asi. Russia ramri buainak cu USA, NATO le an hawikom nih Vawleipi buainak ah an siam tiah Putin nih ati. Ukraine Russia ral cu WW3 asi ko. Russia (Tuluk, Iran, N. Korea le an hawikom) le Ram 50 leng I dohnak asi ko.
Tuluk an thin phan bik cu NUG nih Washington DC ah zung an tuah caah asi.

NDAA bawmhnak aum cang. USA nih Tuluk le Russia nih SAC an bawmh ahcun tamdeuh in kan in bawmh chin hna lai an ti caah Tuluk nih NUG naih a duh. Direct in nai lo in ASEAN le EAOs phu 7 hmang in NUG le SAC tawn ter in PEACE tuah kha aa timh mi asi.

USA he raldoh le hmaitawn tein I dirh onh kha Tuluk nih an hrial zungzal mi asi. Tuluk le EOAs / ASEAN tawnnak ah Japan cu Dr. Sa Sa Kawa (PEACE Broker pa) hmang in aa tel ve. USA, UN, EU, UK le an hawikom Nitlak ram hna nih ASEAN hmangin Pau Dohthlennak dai ter an duh ve.

ASEAN hi phu hnih an um. USA hawikom le Tuluk hawikom ansi. ASEAN ram cu Kawlram Democracy a hmuh lai hi an duh lo. Aruang cu Kawlram cu Saal tampi chuaksiamnak ram asi. ASEAN nih Federal cu an huat tuk mi asi. ASEAN nih an ram minung cu Hlawhman a sang caah le benefits / Insurance a tam caah an hman duh hna lo.

Kawlram mi cu hlawhman a tlawm, Insurances le Benefits / Profits aum lo caah an duh tuk hna, an ram ṭhanchonak caah Kawlram mino cu man fawi tein an hman khawh hna. Cucaah Malay ah Kawlmi cu an tlaih hna nain an ngawl tawn ve cu.

Cucaah Tuluk USA ASEAN le NUG he rianṭuan ti asi ahcun Pau Dohthlennak a dai ve lai nain hlan lio NLD cozah khah kan phan than te lai. Federal Democracy cu LAMLAM asi lai caah LAIMI Kan cem si ko lai.

Chinmi vialte le an kan hruaitu hna nih Democracy tiang lawng maw kan kal lai, Federal hmuh hlan lo / Zalonnak hmuh in CHIN Country dirh lawlaw dah, biachahnak tuah a herh ngai te lai. Cucaah ahcun dakaw NUG USA zung onh cu Federal caah asilo, Democracy le NDAA caah asi ka ti cu.Credit – Joseph R. Thang