Thantlang Khua Hi A Kang Dih Taktak Lai Maw?
Tu i kan ram buai ruangah kan thei cio bang in thantlang khua cu ralhrang nih duh tawk in khua sak nak ah an hmang i an um har phen poh ah inn le lo an khangh,cucu a tu ah hin a thong deng in an khangh cang tik ah,inn zariat hrawng lawng te lawng a tang la,cu zong cu an khangh dih than la maw ti hi ruah lo awk a tha lo.
Thantlang hi September in khangh hram an thok cang i kumthar thlathar nikhat tiang an um har phen le an thin hun caan poh ah an khangh,Cu tik ah laimi kan mifim hna interview an tuah tik hna ah thantlang kong hi an hal pah len hna i a ho hmanh nih a him lai an zum lo,inn le lo cu beisei ding a um lo an khangh dih te ko la ti si.cu caah cun Thantlang khua cu a kang dih ko lai taktak in.
Thantlang khua a kanghnak ahhin CDF CNA/CNF hna hi mawh puh ding an si ve maw, mipi tampi nih kan mawchiat hna,maw kan phurh ter hna,cucu cheukhat nih sual phawt ding an si lo ti zong a ti mi an um,sihmanhsehlaw hi ka ahhin CDF CNA/CNF hna hi maw phur zongah kan palh lo,a ruang cu ram ralkap nih a tuah awk a rian (responsibility) cu a ram him te in veng kha si,ram kan ti tik ah kan ram vawlei lawng a si lo,a chung i a um mi minung thil le ri inn le lo tiang in an veng him hi an rian a si.
Sihmanhsehlaw Thantlang a kangh hi CDF CNA/CNF lawng te maw puh ding an si hoi loh Thantlang khua mi zong maw puh ve ding an si, aruang cu an inn le an lo an zaam tak dih cu teh,an kal tak cia mi inn le lo cu ziah dah,ral a doh cuahmah mi CDF CNA nih cun an hun zoh khen lai,ziah dah an hun veng him lai an rian si loh,nain a khangh lo dingah an veng him kha an rian si ve ka ti cang kha aw,nain thantlang a khangh hi khua mi palh zong asi.
Ram that kan duh,ram thatnak ding ahcun inn le lo tham kan ram a that i democracy kan hmuh tik ahcun inn le lo cu a hnu ah rianh khawh a si ko cu nan ti,a tu i Thantlang inn khangh hi democracy hmuhnak ding he a pehtlainak pakhat hmanh a um loh,ralhrang nih an khangh sawh mi si.tahchun nak ah CDF, CNA le Ralhrang an i kahdoh tik ah cu i an bomh nih a tlak i a kangh mi inn khi ram caah democracy kan ram nih a hmuh hnak hnga caah a kangh mi inn le lo asi.tu i Thantlang kang mi hi cu ram caah kangh mi a si lo ralhrang nih an khangh sawh mi si.crd pa lian
