Thantlang Peng Tlangpi khua ah CNF le khuami hna i fonh in ralkap uk duh lo langhternak ca ah lamzawh (+Video)

ချင်းအမျိုးသားတပ်မတော်မှ တပ်ဖွဲ့ဝင်များနှင့် ရွာသားများပူးပေါင်း၍ ထန်တလန်မြို့နယ်၊ တလန်ပီးကျေးရွာတွင် စစ်အာဏာသိမ်းမှုဆန့်ကျင်ရေးဆန္ဒပြ. Uar an um kho taktak mah bak ding hi a si ko. Thantlang Peng Tlangpi khua ah CNF le khuami hna i fonh in ralkap uk duh lo langhternak ca ah lamzawh. The Hakha Post

A tanglei ah duh lo nak an langhternak video kan van thil chih zoh cio khawh van i zuam hna usih.

Thawngpang dang relchap >>>>>>

Dr. Ngun Cung Lian Cu Ralkap Nih Rian An Pek Cang
============================================================

Ralkap nih nawlngeihnak an lak lecangka in ritte thi bangin a daimi Dr. Ngun Cung Lian cu ralkap nih State Administration Council ruahnak petu ah an chiah cang. Amah nih a cohlang maw cohlang lo ti bel theih a si rih lo. A cohlan ko lai tiah zumh a um.

Dr. Ngun Cung Lian cu Chinmi chungin upadi thiamsang kan ngeihmi pakhat a si. Amah bantuk mifim thiamsang kan ngeih hi kan i uangthlar tuk lioah CNF in a chuak i ralkap/USDP ah upadi lei ruahnak a pek lengmang hna. Cuticun mipi nih duh lomi, huatmi, chiatserhmi ralkap, mah hlawknak le miaknak caah hramhram in nawlngeihnak a lami ralkap leiah aa fonh i atu ah cun rian zong an pek cang.

A poi tuk ti pin cu chim ding a um ti lo. Hi kong he pehtlai in Salai Lairamthang (US) nih cun a facebook ah hitihin a tial. “Chin miphun chung in pasaltha an chuah i kan mithmai a hngal lio caan ah khat lein in kan mualpho ve hoi. A dil hna, a sat hna kan si ai. US cozah nih sanction list i a chiah ahcun a tartahak te kho men. Zawng lak ah ngaukang kan chuak”.

Amah pakhat ca lawng a ruah ah cun a tha sawk lai, asinain a nupi le a fale, a chuahpi a unau hna hi zeitlukin dek mithmai khap loin an um hnga. Ralkap nih rian an pek len ko nain a cohlang duh lomi Chin pasaltha kan pale he cun an lungput a rak i dang tuk mu!

Kan pupa phungthluk ah “Arpi tap na, sahngar ni na” ti a si. Myanmar ram mipi, Chin mipi kan tah i kan aihram lioah a puan tangin a rak ni len ko lai hi teh mu…! Mah belte ka cohlang lo a ti ahcun phundang in tuanbia a kal ko lai. A cohlan tu ahcun Salai Lairamthang bia bang US nih “blacklist” ah a chiah lai, cun ralkap uknak a rawh i Myanmar ah mipi thimmi cozah a kai tikah cun khoika ah ka tlik lai ti hngal loin a tartahakmi, a vaivuanmi ah a cang te ko lai. Crd: Chin Post