Thantlang um Rallokap hi a hmun ah va kal hnawh in an Cihmih khawh cu a har ngai ngai lai

Thantlang Um Rallokap A Thahdih Khotu Le Thantlang Khualipi Lakthan Awkah I Ngeih Ve Ahermi Mi Meithal Phun. Thantlang um Rallokap hi a hmun ah va kal hnawh in an Cihmih khawh cu a har ngai ngai lai. Khuapi chung le a velchum ah bomb an phum dih. An Sakhan lawng ah um ti loin, Khuapi chung aarem deuh nak poah ah siarem tein an kan bawh cang. Ramvaipa nih Sakhi bawhin an kan bawh ko caah a hmun I va kal in va doh cu asi khawh hrim lo ka ti. A herh lo ah nunnak tampi liam ding cu asi khawhlo.

CDF ah a lut chap dingmi kan tam ti lailo caah, alut ciami Kan Ralkap hi semrel deuh a herh lai. Zeitik ahdah kan tei lai timi acan rihkhiak khawh asilo caah ti bia. Mino tam deuh cu an tih caah CDF an lutlo asiko. An lut hmanh ah athar cu Experience an ngei lailo caah Himnak a har. Cucaah Lamhla in a kah khawh mi Meithal hi ngeih kan herh ve cang.

Kawl nih တာဝေးပစ် စနိုက်ပါ anti. Lamhla kahnak Sniper asi. Vankham tlang in Rungtlang khi a kah khawh. Durbin Tha taktak mi an bunh. Meng 10 leng ummi Kanram pakhat kha fiang tein a hmuh khawh mi Durbin a um. Apawng ah hnadset / iPad / laptop in pakhat nih zoh piak in kahmi asi. An kah cang mi ralcu a luatmi an um ballo. USA Army nih Syria le Iraq ral ISIS Cihmih nak ah a hmang mi asi.

Hihi kan I ngeih ve kho ahcun CDF 2-3 nih Thantlang Rallokap hi, lamhla in thahdih khawh asi. RUGER precision file timi phun hi aman 36,700,000 kyat asi. Ting 400 ti ko usih. American Dollar 24000 asi lai caah Pumpak nih cawk piak khawh mi asi. CDF kip nih 2-3 cio ngei ah atha bik ko. Akuan 1 man 55000 kyat asi.

Ramthumnak um mi chin mi siseh, ramchung um mirum hna nih siseh tampi cawnpiak khawh kan si. Thantlang khualipi lak khawh hi first step siseh. Cuhnu ah duhsa tein Chinram kan lak thluahmah te lai. Ahnu bik in, Kan pupa ram Kalay – Kabaw, Gangaw – Htilin – Kyaukhto tiang in kan lak hna lai. Cucaah Chin mirum hna nih a atlawmbik ting 1000 – 2000 tiang nan kan hlu a herh ko. Ting 10000 le ting 20000 zong kan hlu ve cang ngat uh, miphun dang bangin.

Chirchan: Kaya nih an cawk cang ti ka theih caah ka langhter ve mi asi, dawtnak he. Saya tuan le mi soisel asilo. Hmanthlak cuang hi Kareni Miphun Kaya nih an cawk mi asi. Vanlawng kahnak asilo. By- Zingtincuai Cinzah