Press "Enter" to skip to content

Thawngpang Tha Myanmar Ram Chungah Theih Awk In A Um Chin Lengmang Cang

Kaya ramtthen chungah a ummi police dihlak ah cheuthum cheukhat tluk cu ralkap nih uknak an lakmi duhlonak langhternak CDM cawlcanghnak ah an itel i Sandah an piah ve tiah theih a si. Kawlram mi caah cun lawmh a um kho taktak.Tulio CDM cawlcanghnak ah mi a vuatu, a tlaitu, Water cannon in a kaptu hna, Rubber bullet in a kaptu le meithal kuanfang tein a kaptu police cu mipi lei ah tampi an ttang cang tiah theih a si.

Kaya ramtthen chung, Police minung 240 an umnak ah Police minung 60 renglo cu CDM cawlcanghnak ah an itel i mipi sinah sandah an piah ve tiah theih a si.A luancia ni hnih ahkhan Kaya Ramt’hen chung ih palik minung (40) hrawng cu CDM cawlcangh nak ah an i tel cang ih tuni tiang Kaya Ramt’hen chungah CDM ah aa telmi palik pawl cu minung (70) lenglo an si cang tiah theih a si.

“Tutan CDM cawlcanghnak ahhin Police dang zong ai tel ding tampi an um rih. Cucaah CDM ah ai telmi police pawl an nunnak humhimnak cu mipi pawl nih ttuanvo an lak hna” tiah Kaya ramtthen, Luaikaw khuami minung pakhat nih a chim.Ralkap nih February 1 ah rampi nawlneihnak hramhram in uknak an lak caah kawlram khuapi kip ah duhlonak langhternak an tuah i hi mipi pawl nih duhlonak an langhternak ahhin cozah rianttuan tampi an itel cang.

Cu lawng si loin anmah police hrimhrim tampi an itel cang. Kaya ramtthen le bang ahcun cheuthum cheukhat kha police an itel cang. Tutiang ahhin CDM cawlcanghnak ai telmi police ahhin Kaya ramtthen hi a tambik an si. Ref. Myanmar News

Be First to Comment

Leave a Reply

Your email address will not be published. Required fields are marked *