Tulio kan thawngpang le kan thilton mi kong ruah ah cun lungthin a dai kho loh i, zan zong mitkuh thaw kho hrimhrim ti loh e. A poi tipin cun chim awk a um ti loh. A ho cio poh hi mithmai zong a panh kho ti hrim loh mu.Lungre a thei in ngeih a chia ko.
Nikhat hnu nikhat i kan ram sining hi andai lei siloin a zualhma lei le a sosang lei hi a panh chin lengmang fawn hoi mipi nih faktuk in tiar a si pin ah nunnak liam mi tiang van um si cang i lung a fak hringhran ko mu.
Tuchun zong kawlram ralkap uknak duh lo nak ruang ah sandah piah mi pawl lak ah faktuk in i hliamkhuai nak a chuak than. 26 lamkam ah ralkap uknak duh lo nak a langh ter mi hna cu sandah an piah cuahmah lio ah incung in hngakchia nu te nih duh lo nak langhter nak ding caah a kut a rak bengh piak ve hna .
Culio ah cun, ralkap le palik nih an van zuamhnawh than hna i chai in mipi cu fakngai in an van cheih hna lio ah zeihmanh sualnak a ngei lo mi hngakchia nute cu fak tuk in a mit ah an ceih zangfak a si tuk hringhran e.
Be First to Comment