Thawngtha Tuk A Si Ee!

Sagaing ramṭhen, Kalaymyo le Chin ramkulh ah cawlcanghnak a tuahtu Zomi mizapi vengtu ralkap People Defense Force-Zomi (Zomi PDF) ca ah NUG cozah, Ministry of Defence nih a voi thumnak ah bawmhnak a pek i, phaisa sing 221 leng bawmhnak an hmuh kong cu Zomi-PDF nih February 12 ah cathanh an chuah.

“NUG cozah nih federal democracy hmuh khawhnak ding caah nunnak thap in cawlcanghnak a tuahtu mizapi vengtu ralkap phu nih sin ah ṭhencheu cio in bawmhnak hi a pek hna. Atutan cu kanmah Zomi-PDF caan a phan, voi thumnak ah bawmhnak kan hmuh ṭhan hi a si,” tiah Zomi-PDF in chimphuannak nawlngeitu nih a chim.

A luancia February 2 ah Kalaymyo, Pyinta khua ah ralhrang phu hna le Zomi-PDF karlak kahdohnak a rak chuak i ralhrang phu lei in minung pakhat a thi. Zomi-PDF lei hliamhma tuar um lo tein hnu an tolh kho ṭhan, tiah theih a si.

“Kannih phu zong midang he aa tluk in cawlcanghnak kan tuah ko nain zapi nih theihpi tuk kan si lo, mipi nih phaisa hlutmi zong a tlawm caah a hlu khotu kan herh ngai, hriamthil zong kan chambau rih ko,” tiah a chim chap.

Rampi le mizapi nih bawmhchanhnak pekmi phaisa cu ram le miphun caah hrangtlai tein kan hman lai, tiah Zomi-PDF phu nih theihternak cathanh an chuah. “Kalaymyo chaklei le Lai tlang lei kahdohnak bawmhchanh zong ah kan kal peng ko, Taingen(သိုင်းငင်း) khua kahdohnak zong ah kan rak bawmh hna,” tiah ṭuanvongeitu pakhat nih a chim ve.

NUG cozah nih 2021 October thlachung ah sing 200Ks, December thlachung ah sing 100Ks le atu a voithumnak 2022 January thla ah bawmhchanhnak a pek hna, tiah theih a si. Credit: The Chin Post

Mipi Thahnak Caah MAH Vanlawng Kong Tlawmpal Mipi le CDF / PDF kahnak ah Rallokap nih an hmang bikmi Raltuknak Vanlawng hna cu; Mi 35 , MIG 29, Mi17, Mi 2. Hriamtling le bomb tampi a phawrh hnu ah, Mi17 hi Rallokap 20-30 a phawrh chih khawh. Russia in a cawk mi an si. Tuluk ah cawk asi tawn. 2000 kum in Russia ah ancawk. Raldohnak (Mi) vanlawng hna hi Thlitu lakah Tank an ti phah theu. Afek I a hrawk ahar. Hmun kip ah a kal kho. Thli hmasa aherh lomi vanlawng an tam.

Cakei Thla ngeih asiko tiah anmah Rallokap minung nih an I uar tuk mi asi. Tuluk ser hi arawk afawi, thil thlen awk ahar caah MAH nih Russia sermi Mi- Vanlawng hna in Mipi an kan thah cuahmah cu asi. 1999-2018 ah Raltuknak Vanlawng Dollar 1.50 billions ($1500 millions) man a cawk. 2021 February ah Dollar 14.70 million man a cawk than. Russia Humhimnanak Vuanci Sergei Shoigu he tampi cawk ding in hnatlaknak an ngei. Sen anthuh a thaizing ah MAH nih hranhram in uknak an kan chut hi asi.

Missles, Radar, Drone zong cawk ding in senthuh cia asi. An cawk dih cang kho men. Kan hnu Thla ah khan tampi a phan chap. A thilri le IT fimnak thilri hna he. Rangoon tiang an phawrh ko tiah News nih an ti. Hi vialte phaisa hi thanchonak, fimthiamnak, ngandamnak, ram sersiamnak caah hmang sehlaw, tu dirhmun hi kan phan hnga lo ka ti tawn. Mipi thah nak hriamnam hi amah afak hrinhran ko. Dohthlennak hi aman a fak hrinhran ko. Mipi pakhat le CDF pakhat nunnak hi aman zeitluk in dah afak tiah cawnpiak tu sihram seh.

MAH nih vanlawng lawng lawng in mipi kah an kan timh cang. 2022 May Thla ah Raldoh dihter ding in. Cucaah Mipi le kan Ralkapbu nih Vanlawng hmual in kan luat kho nak hnga, kan him kho nak hnga, khuakhan lairel in thazang chuak cio a herh tuk lio asi. Kan Himnak LUNGPI Jesuh le TEITU PATHIAN tumcawkin aa phuan nak sihram seh. Amen… By_ Zingtincuai Cinzah