Press "Enter" to skip to content

Thawngtha Tuk A Si

Chin ramkulh, Mindat ah umhmun a khuar mi khah-lah-yiah (274) batallion in SAC ralkap pakhat nih a meithal he CDM a tuah i, CDF-Mindat nih lawm tein an cohlannak le lawmhnak ah laksawng ah phaisa Kyats sing 50 an pek, tiah theih a si. CDM a tuahtu ralkap pa nih hin meithal MA1 zuun 1, kuanbawm 4, kuanfang 216 he March 24 chunhnu ah khan an umnak in a zaam i,

March 25 ah CDF- Mindat sin ah aa ap, tiah CDF-Mindat in chimphuannak nawlngeitu Salai Ha Awm(ဟာအွမ်) nih a chim. CDM a tuahtu ralkap pa nih laksawng phaisa sing 50 an pek mi chung in sing 15 cu dohthlennak ca ah CDF-Mindat sin ah a pek ṭhan, tiah CDF-Mindat nih thawng an thanh. Credit; The Chin Post

Thaizing, March 27 ni ah tuah dingmi Kum 77nak Myanmar Tatmadaw Day ah ram pumpi huap in electric mei hmang loin in duhlonak langhter ding ah National Unity Government (NUG) mizapi sin forhfialnak cathanh cu tuni March 26 ah a chuah. Thaizing, March 27 zaan slm:8:00 in 8:30 tiang electric mei van lo ding ah NUG nihcun mizapi a forhfial i hihi tulio electric mei a mih lengmang mi duhlonak langhternak caah caan karlak suimilam cheuchung meihmih ding asi lai tiah NUG nih an cathanh ah an langhter.

Myanmar ram pumpi ah March thla thok in electric a mit lengmang i pengkulh le sang tthen in a chang chang in mei an pek, Tu bantuk in a chang chang in electric mei pek hi May thla tiang a si lai tiah SAC in chimphuannak nawlngei Zaw Min Htun nih March 24 ahkhan Media he tonnak ah a chim. Ref; BBC

Myanmar Ram Pumpi In March 26, 2022 Nikhat Chung Ah SAC Ralkap 37 An Thi: Myanmar ram pumpi in dohthlennak tuah hnu March 26, 2022 nikhat chung kahdohnak ah SAC ralkap 37 an thi i, CNDF ralkap 2 tlaih an tong, tiah Yangon Khit Thit nih a thanh. Cazin ning ah SAC ralkap a thi mi hi Mandalay ramṭhen Kyoukse ah 2, Sagaing ramṭhen Minkin ah 7, Khin U ah 3, Shwe Bo ah 1, Magwe ramṭhen Poh peng ah 5, Mongwa ah 8, Thicheih ah 11, an dihlak 37 an si. CNDF ralkap 2 tlaih an tong.

Relchap; Guys From Chin Nih Mizoram Ralzaam Camp 4 ah Rupees Sing 12 (12,00,000) An Bawmh Hna. Guys From Chin nih hlasak nak in an ngah mi phaisa rupees sing 12(1200000) cu bawmhchanh a herh mi Mizoram ralzaam camp 4 ah bawmhnak an pek hna.

Guys From Chin in Myanmar ram hlasakthiam minthang David Lai le Yawkee hna nih anmah pumpak va kal in Siaha District , Hawhrei, Chapi, Lopu, Khaiky khua i a um mi ralzam camp 4 sin ah bawmhnak an va pek hna . Hlasak thiam David Lai le Yawkee nih CDMs, ralzaam mipi hna he tonbiaruahnak an ngeih pin ah hla zong an sak piak hna.

Be First to Comment

Leave a Reply

Your email address will not be published.