Thawngthar; Mi Zeitheihlo Mi Nih Falam Khuapi Khangh An Timh

Chin ramkulh Falam khuapi chungah tuzaan suimilam 9:00pm hrawngah mi zei si theihlo minung 2 cu motor cycle hen an ra i Sipin zung pawngah le Lamton nak pawng cu datsi in inn khangh an i tim i, tlawmpal te cu a kang manh nain khua chung um pawl nih an hmih manh tiah theih a si. Credit: The Hakha Post

Relchap; Russia ralkap 7,000 leng an thi tiah Ukraine nih a chim, 2022 March 4 – Russia nih Ukraine tuk a thok February 24 in March 2 tiangah Russia ralkap 7,000 leng an thi i a za leng kan tlaihkhawh hna tiah Ukraine President i raktuknak lei ruahnak petu nih a chim.

Russia cozah tu nih cun Russia ralkap 498 cu Ukraine ram chungah an thi i 1,597 nih hliamhma an tuar tiah a voikhatnak cazin ah a langhter. Ukraine ralkap le ramkhel lei a cawlcangmi 2,870 leng an thi i minung 3,7000 hrawng nih hliamhma an tuar tiah Russia Minister of Defense nih a chim ve.

Russia President Vladimir Putin nih Ukraine nichuah lei ah raltuknak tuah dingin February 24 ah nawl a pek bak in Russia ralkap pawl cu Ukraine thlanglei tiva kam ah an kai i Ukraine khua tampi cu hriamngan (missile) in an kah colh.

Russia nih Ukraine tuk a thok bak in Ukraine mipi 800,000 hrawng cu an zaam. A zaammi hna hi Poland le Romania ram chungah an lut. Ukraine ralzaam pawl cu European Commission nih chikhat umnak nawl pekdingin bia an chuahpi tiah DVB nih a langhter. The Chinland Post

Magwe ramṭhen, Pakokku peng ah nizaan March 4 chunhnu ah University siangngakchia 4 le khua mi 1 SAC ralhrang nih an tlaih hna, tiah Pakokku University Student Organization(PUSO) nih cathanh an chuah. Tlaih a tong mi hna hi Pakokku Technological University ah kumkhatnak a kai lio mi Ko Lin Sat Aung(ကိုလင်းဆက်အောင်), le a dang min theih khawh rih lo mi pathum le khua mi pakhat an si, tiah theih a si.

Siangngakchia an tlaih hna ning cang hi Pakokku hrialnak lam gate ah SAC ralhrang le pyosawthi phu i bawm in cycle aa cit mi Ko Lin Sat Aung le mi pakhat cu lam an kham hna i an tlaih hna. Cun an hawi le sin ah SAC ralhrang nih an hawi le bantuk in phone an i chawnhter i a dang pahnih cu an tlaih ṭhan hna, tiah PUSO nih cathanh an chuah mi ah an langhter.

SAC ralhrang nih siangngakchia le sualnak ngei lo mipi cu nifatin an kawl hna i phung ning lo in an tlaih hna, an thah hna. An tlaih mi hna kong he pehtlai in thawng kan theih chap mi a um ahcun kan thanh than te lai, tiah PUSO in mi pakhat nih a chim. the chin post

Leave a Reply

Your email address will not be published. Required fields are marked *