Thawngthar: Tuhi SAC Ralkap Nih Hniarlawn Thar An Khangh Cuahmah Lio A Si E, A Poi Taktak Ko Mu

Tuhi ralhrang nih Hniarlawn khuathar an khangh cuahmah lio si hoi e!! Inn zeizat ti a fiang rih lo. 15 April. Credit: Salai William Hlawnceu

BREAKING NEWS: SAC ralhrang nih Hakha peng, Hniarlawn khuathar an khangh i a kangh cuahmah lio a si tiah theih a si. Inn zeizat a kangh a fiang rih lo.

”A tu hi a kangh cuahmah lio a si. Khuami bel cu an zaam dih cang i an um ti lo,” tiah khuami pakhat nih CCN ah a chim. April 15, 2023 (Kawlram caan) CCN

Relchap: Falam Ralkapbu CNDF Nih Chin Ralkapbu CNA Tia Kasi A Ti (1) Falam CDF asimi CNO/ CNDF nih kum 2 tlinnak Puai ah Chin Ralkapbu CNA sawm loin Arakan Ralkap AA cu Khuallian ah a sawm nan ti maw cu? Cawrun aa ṭhen ahcun Cakei nih a seh hna timi Kawl phungthluk. Arakan Politicians kip le AA nih Paletwa an duh, Pi Suu Ci nawlpek nakin NLD le AA raldohnak cu Paletwa chin lawngah asi.

Nikhatkhat cu AA he kan I doh te lai. Cutikah Falam, Mara le Mindat hi AA le ah maw nan ṭanh lai? Chin ah dah??? Pi Suu Ci le NLD cozah nih kum 5 cihmih an timh nain an tei khawh lomi AA. Ralhrang MAL le anmah AA lawng in an I doh nain an tei lo mi AA cu CNDF nih nan sawm mi hi Sahrang bang an seh tu hna ansi khawh dakaw???

Chinram Paletwa ram le Paletwa chin Miphun sehtu Mikei AA cu CNDF nih nan sawm i Arpi a ti tit lio mi nan thah piak. Mikei hi mi lak an um ah an ho le an tawmei an thuh, seh an duh tik lawngah an ho le an tawmei an chuah. Lal Ruang le Mikei tuanbia bangin Lal Ruang bangin in camthiam mi nan si lo ahcun AA nih CNDF MDF CDF Mindat hi an seh te hna lai. Lal Ruang Naupa cu Camthiam asilo caah A u hawipa Mikei lila nih a seh kha.

Kawlte nih Rulpuar le Rakhine nan hmuh ahcun Rakhine thah hmasat uh an ti. Falam CDF asimi CNO / CNDF nih an ti ve mi cu Rakhine Ralkap AA le Chin Ralkap CNA nan hmuh ahcun CNA That hmasat uh nan ti bang. Chin Paletwa a seh mi AA he aa hawikom mi CNDF hi khua nan tuak bal ko maw? Vawleipi cu Muslims nih an hremh dih hna nain AA le Arakan lawng nih Kala le Muslim an hremh khawh ti hi philh hlah uh.

Paletwa ruangah MAH nakin Fak deuh in AA he kan I doh lai ti nan hngalh buin CNDF MDF le CDF Mindat nih AA he nan I hawikom. Falam Khualipi ṭhial ruangah Hakha Thantlang nan kan huat. Pu Za Hre Lian nih Falam City Planning a tuah tikah Hlawnceu Bawi le Laizo nih Za Hre Lian nih kan lopil vialte a hrawk dih caah lo tuah awk kan ngeih ti lo tiah Sandah piahnak an ngeih caah Falam in Khualipi aa ṭhial hi asi.

PM U NU nawl pek nakin Chin Yeza Vuanci Vum Tu Mawng nih Falam Khualipi ṭhial aa tim, A duhnak hmun kha an duh lo caah aa ngawl ṭhan. Laizo nih an duh lo caah U Nu nih Falam in Khualipi ṭhial awk cu senthuh nak he order chuah cang mi asi. PM U Nu senthuhnak loin Falam ṭhial khawh asi lo.

Tawhlanzi cozah chan ah Hakha an ṭhial cu U Nu le Vum Tu Maung senthuh ciami an tlin termi tu asi. Aduh lo tu hi Laizo an si.
Falam CDF CNDF cu amin Chin Huap ann Ralkap chin huap uah lo.

Falam cu miphun min zong asi ballo. Taison nih ral chan an fa le an thuhnak hmunhma le thingram cu Fahlam an ti nakin a hnu Falam asi mi asi. Falam peng ah a um mi Chin miphun cu Hakha Thantlang Matupi pengkulh um mi Chin mi bantukin Lai kan si ko. Pehding…….. Crd; JRT