Press "Enter" to skip to content

ThitSeinh Khua Mi 6 Ralhrang Nih An Nung In An Khangh Than Hna Ngaihchia tuk Si e Ralhrang Sual Hi Cuh A Mak Ko

Sagaing ramṭhen, Watlat pengkulh nichuahlei ah ralhmai ser in a kalmi rakhrang nih ThitSeinh khua mi ralsatarh ah an i kalpi mi hna pa paruk cu an nung in mei in an khangh hna, tiah tualchung mi hna sin in theih asi.

January 29 zing slm 2:00 hrawng ah ralhrang 100 tluk cu ti lam in ThitSeinh khua ah an rak lut i khua mi 6 hna cu lam hmaisattu( Ral satarh) ah an rak i kalpi hna, ”An paruk ning in an liang an leh hna i hri in an ṭem hna hnu ah ral satarh ah an i kalpi hna, Nizan ralhrang an kir hnu ah kan va zoh hna i mei in an rak khangh cang hna,” tiah tualchung mi pakhat nihcun a chim.

 

Ralhrang pawl hi January 29 ah ThitSeinh khua an lut i khua mi paruk ralsatarh ah an i ken hna i, ThitSeinh khua kiang khuadang hna ah ni 5 chung umhmun an khuar. Febuary 1 ah khan Watlat Pengkulh PDF Battalion 2 nih, ral satarh ah an i kal pi mi, khua mi hna thlah ding le Mipi hna cu ralkhamnak ah hmang loin ralṭha tein anmah PDF he i kahding ah ralhramg pawl cu Cathanh an rak chuakhnawh hna.
ThitSeinh khua ah hin January 9 lio zong ah ralhrang an rak lut i khuachung ummi nu 50 tluk an rak tlaih hna i khuachung ah umhmun an rak khuar bal cang.

 

RAMCHUNG THAWNG: Demoso Ah Ralhrang Hriamngan Nih Mi 3 A Hliamh Hna; Kayan( Karreni) ramkulh, Demoso pengkulh, 4 Mile le Kaphuh khua pawng ah ralhrang nih hriamngan duhpoh in an kah caah mi(civil) pathum hliam an tuar i pakhat cu a hliamhma a faak ngai, tiah Karenni’s Voice nih a langhter. Nihin, Febuary 4 chun ah Demoso peng ah ralhrang le Mizapi ralkap karlak kahdohnak a chuak i ralhrang nih hriamngan kah thlorh in an kah tiah theih asi. Ralhrang thilri chantu vanlawng le Helicopter pawl zong Demoso khuapi cung ah an i hel len nain tutiang ah cun cunglei in cun an kap rih hna lo, tiah theih a si.

Be First to Comment

Leave a Reply

Your email address will not be published.