Tlangzar Kahdohnak Thawngpang Update! SAC Ralkap Thi An Tam, Tlangzar Khua An Khangh Than E

Raltuknak Update thar! Tuhi Kalay in a hungkaimi ralhrang cu Tlangzar kan ralkap pawl he fak ngaiin an i kah lio asi. Tlangcung ah ralhrang a hungkaimi cu an rak kah hna i hnu an tolh.

An ruak zong ceilak an i zawn mi an hmuh hna. Tâm an thi le Tlangzar khua an khanghnak hi asi lai an zumh. Tuhi jet fighter nih a hel cuahmah hna caah thlacamnak in bawm hna usih🙏 Credit: Chelsea Bawi

SAC Ralkap Nih Tlangzar Khua An Khangh, Inn 7 A Ciam, Kalay lei in a rak kaimi SAC ralkap nih Tlangzar khua an khangh caah inn 7 a ciam, tiah khuami hna nih an chim.

Nihin April ni 3, zing suimilam 11:00 in 12:00 kar hrawng ah Chin ralkap le SAC ralkap cu Tlangzar khua pawng ah an i kap i, caan sau tuk pi cu an i kap lo. Kahdohnak a daih in SAC ralkap nih Tlangzar khua cu an khangh caah inn 7 a ciam, tiah khuami pakhat nih The Chin Post ah a chim.

SAC ralkap nih Tlangzar khua an khangh caah inn a kangmi min cazin The Chin Post nih kan khawmhsuat khawhmi cu;

1. Pu Nawl Hlun inn, 2. Pa Than Cung Lian inn, 3. Pa Van Hup Lian inn, 4. Pi Sem Doi inn, 5. Pi Kip Cuai inn, 6. Pu Khup Hlei inn, 7. Pa Tlang Thang Bik inn hna an si.

SAC ralkap hna cu Tlangzar le Ramthlo khua pawng hrawng ah an um rih caah khualtlawn lo le ralkap he aa naihnak hmun ah um lo ding in tualchung mi pakhat nih a chim. Credit: The Chin Post

CBCUSA le Chinland Club Cuaithlainak (3) CNA le CDF caah Dum hngaktu le Dum Zohkhenhtu ah CBCUSA le CC cu Chin mipi nih kan aiawh in rian fial mi an si. CBCUSA hruaitu hna le CC upa hna nih Good Gardener kan si hi abiapi ngai.

Kan Mitsurruang cu ti le nawn canhmaan tein pek ding asi. Anmah le can te ah nawn pek le ti pek a biapi bantukin Belh le hram thlawh piak in rulrung le sehtu an kianh le kian lo zong cat loin a zoh tu dingmi CUCUSA le CC kan si.

Dawm pek tik zongah tampi pek a ngah lo bantukin anmah le can te ah nawn pek lo le Ti pek lo ahcun Kan Mitsurruang asimi CNA le CDFs caah tirawl si tiloin Sivai ah aa chuah lai.

CC cu nawn pek le ti pek a duh ko nain Ti le nawn a zatawkin a ngeih lomi bantuk an si. An Tihnah a reu tawn I pek awk dawm kha an zalh khawh tawn lo. Cucaah acan lio te ah Ti le Nawn an pek khawh ti lo caah kan Mitsurruang cu duh ning in an ṭhanglian khawh lo I thei a tlai mi an tlawm I an ṭha fawn lo.

Cucaah kan Mitsur dum cu a rocar I an hninghno ti lo. Nilinh le khuacan a linh mi a tuar tuk lawmmam.
CBCUSA cu Ti le nawn cu pek cawklo kan I ngei ko nain a can lio te le pek ding tlak in kan pek ve hoi lo.

CBCUSA nih Mitsurruang cu Caw ek car le Ar ek car mi Dawm mi pek awk cu an philh I Caw Ek hring mi le Ar Ek hring mi an pek ciammam le Thih an I zalh dih ko.

CBCUSA upa nih Mitsurdum le kan Mitsurruang cu Ti kan toi an ti nain an toi mi kha Tisa tu asi le aa hliam dih I thih an I zalh dih ko.

Zun ek hi Dawm an si ko nain anmah lawng in le a hring in Thlairawl pek ahcun Sivai an si. Ti he cawh hnu lawngah dawm caah hman ding asi nain CBCUSA Upa hna thil tuah dan cu Mitsurruang bak ah zuun hnawh bantuk asi caah Mitsurruang caah Acid ah aa cang diam ai.

Acid le Tisa in Mitsurruang van toih cang ahcun ahodah a celh cio lai. A kung a thih lo hi kan vanṭha.
Dum thlawhtu le dum hngaktu ah a felmi zong hlan awkah CBCUSA le CC nih ṭuanvo an ngeih nain an hlan duh hna lo.

Anmah pumpak in zohkhenh an duh nain an zohkhenh khawh ti lo. Mitsurruang cu a ṭha lomi le a car mi, a nge tamtuk mi le a hni fuan tuk mi tbk hna cu riam piak ding asi nain CBCUSA le CC he an tuah ti lo.

Anmah nih le lamhla in dum cu zohkhenh le hngak asi caah Kam Mitsur dum cu sahngar le rungrul ṭuanṭuang Hngerhte Pualpuak Pangan Zuva tbk te nih an ei viar cang hna.

Kan dum hi a vawlei an ṭha tuk mi asi caah a kung cu an thi lo nain mi dum bantukin an ṭha lo I an hninghno ti lo caah an theitlai hi mi bantukin ei chuak ding ansi ti lo.

Chin mipi nih Kan dum hngak asimi CBCUSA Upa le CC upa hna hi Good Gardeners si awkah maw kan cawnpiak hna lai, a dang dah kan thlen hna lai.

Tu bantukin an kan kal pi ahcun an um lo kar ah Ceihngia le Sahrang, Mupi nih cawih viar ding mi dirhmun kan phan / Phak cang. Ka I hrim lai maw kan tharchuah lai dah? By- JRT