Press "Enter" to skip to content

Tlangzar Le Falam Kar Kahdoh I, CNA Le CDF-Thantlang Pasaltha Minung 9 An Thihnak Kongah Thawngfiang An Van Langhter Cang Ee

Kan Hnu Lei May thla Ni 4/5 chinram kahdohnak kongah mi tampi nih an chim tawn mi Hakha Khuapi in Kalaymyo lei ah a rak zuang mi Min Aung Hlaing ralhrang rual cu Chinram Hriamtlai phu i komh in an kah hna i kanmah Chinram ralkap CDF -Thantlang le CNA ralkap thatha minung 9 an nunnak a liam.

Kha lio kahdohnak kong he pehtlaiin chim ceih a tam ngai mi cu zeiruangah dah kan chin ralkap thatha voikhat ah minung mah vialte an thih, a ruang a um ko lai tiah an zumh cio. Hi kongah hin CNA ralkap sinah aa ap mi Kawl ralkap minung 3 raltuknak ah an i tthit hna i mah hna pathum ruangah a si tiah an chim.

Kawl Ralhrang hna minung 3 CNA sinah a zaam mi hna nih phone in an ralkap hawi pawl an pehtlaih hna caah a si tiah a chim tu an tlawm lo. Ralkap zaam mi minung 3 nih dalaan an tuan caah mah vialte kan chin ralkap thatha an thihnak kha a si ko lai tiah an zumh bik. Kawl ralkap kan sin i a rak i pee mi hna i ralram hrimhrim ah i tthit lo an tha ko.

Kan theih awk cu Kawl ralkap Chinram hriamtlai sin i a ap mi pawl hna hi ralram ah hruai in raltuk pi phung a si lo. Kan pa le zong nih hihi kan ruah awk ah ka duh ngai. Kan sin i aa ap mi ralkap hna hi cu a him nak hmun i chiah i ralram ah kal ter bak lo ding an si.

Tunai Tlangzar kahdohnak i a nunnak aliam mi hna kha ralkap zaam mi CNA ralkap nih an i tthit mi hna ruang a cang tiah kan zumh bik ko. Cu caah hmai lei ah kan i ralring nak caah cang hram seh. Kawl ngian hi kan i zumh a si ahcun kan miphun ning in kan thi kho. CNA camp zong khi kan i ralring lo a si ahcun a laak hmanh an laak te kho mi a si.Crd.. Pu Sui Cem

Thawngdang Relchap>>><<< Khuaruahhar Pathian Thilser Mak Milky Way Galaxy a Laicir i Khurnakpi An Hmuh. Kan galaxy a laicir i khuarnakpi cu arfizohthiam nih avoikhatnak hman an thlak khawh cang. Milky Way a laicir ah a ummi Sagittarius A* tiin auhmi a ngan taktak khurnakpi (Black Hole) direct in bihzohnak an tuah hi tutan lawng a si rih, tiah theih a si.

Khurnakpi nih hin ceu an chuah bal lo i, zungbunh bang ai kual in a ceumi nih cu khurnakpi cu an kulh i, a thlapale te lawng hman an thlak khawh. Cu a ceumi cu khurnakpi i mi a dawpkhawhnak a thazaang (gravity) nih a vun certer mi a si. Cu khuarnakpi cu kan vawlei ah a ummi nika nakin a let 4 million in a ngan deuh, tiah scientists nih an chim.

“Kan galaxy laicir ah a um i mi a dawp khotu a thazaang hmangin arfi pawl a doktu thil mifim nih an kawlnak hi kum tampi a rau cang. Hi hmanthlaknak (Event Horizon Telescope) hmang hin arfi an i helnak (orbit) nakin lamnaih deuh in khin a chunglei khi hman kan thlak khawh i, cuka zawn cu gravity zong a let million pakhat hrawngin a thawndeuhnak hmun a si.

Cu tluk nai i kan hmuhkhawhmi cu, black hole hi ceu tluk cak dengmang (speed of light) in Matter a chuahter. Cun vandum chungah a ummi ceu a phurtu thil hmetete (photons) hna an lamzulhmi cu a vun merh, koih” tiah the Center for Astrophysics | Harvard & Smithsonian, ah arfizohthiam Michael Johnson nih a chim.

Hi black hole (donglo khur) hi kan vawlei in 27,000 light year ai hlatnak ah a um. Kan solar system hi Milky Way galaxy i a keteng pakhat ah a ummi a si. Hi ruangah hin galaxy i a laifang he kan i hlattuknak hi a si. Cucu zaan caan i kan cung van ah khin hei hmu kho u sih law, black hole hi thlapa cung i doughnut tia hrawng khin a lang hnga.

“Einstein nih a chimchungmi Theory of General Relativity le tutan kan hmuhmi thil a ai khahmi kan hmuh tikah a mak kan ti ngaingai. Kan galaxy a laicir ah zeidah a tlung, timi he pehtlaiin tutan kan hmuhtonmi nih fiannak tampi a kan chap i, hi tluk a nganmi black hole nih zetindah a kiangkap thil pawl a pehtlaih hna, timi kong zong a thar in a theihtermi tampi a um,” tiah the Institute of Astronomy and Astrophysics, Academia Sinica, Taipei in EHT project scientist Geoffrey Bower nih a chim.

Tuanbia a sermitu tutan hmuhtonmi thil kong cu The Astrophysical Journal Letters ah Thursday ah khan ca in an chuah. Black Hole kawlhawlnak, utan hman an thlakmi vun fehternak le kawlhawlnak dingah scientist pawl kum 5 khengte caan an la. Kan galaxy a laicir ah arfi pawl nih mit in hmuhkhawh lo mi thil pakhatkhat an heel len ko kha tuan ah mifim nih an rak hmuh bal cang.

Ghez le Genzel nih Milky Way a laicir i a ngan taktakmi thil pakhat an hmuhmi telh in, black hole kong an hmuhchuah ruangah Roger Penrose, Reinhard Genzel le Andrea Ghez hi 2020 ah khan Nobel Prize an pek hna. “Black hole nih a kiangkap ah a ummi gas le ceu a dolh hna, ai ngeihmi a donglo khur chungah a thlak hna. Zeibantuk in dah black hole nih cun a ei ning hna a si, tiin kum sawm tampi chung kan kawlhawl mi cu tutan hmanthlak nih hin a fehter cang” tiah the Center for Astrophysics | Harvard & Smithsonian i arfizohthiam Ramesh Narayan nih a chim.

Tutan khawlhawlnak a tuahtu hi hi scientist 300 renglo an si i, radio telescope 8 hmangin riantuannak phu 80 ah a tuanmi an si hna. Cu hna an riantuannak cu Event Horizon Telescope, ti a si. Cu durbing (telescope) cu ‘event horizon’ timi min an pek i, a ruang cu zeibantuk ceu hmanh hi black hole in a luat kho lo, tinak a si. Hi global telescope network hi network 8 an fonhmi a si i TV in hmunkhat te ah an fonhmi a si.

2019 ah khan avoihnihnak black hole hman an thlak i, EHT M87 hmanthlaknak in an thlakmi asi. An thlakmi cu 55 million light-year ah a ummi Messier 87 galaxy a laicir a si. Hi hmanthlak pahnih hi ai khat mi an lo ngai ko nain, Sagittarius A* hi M87* nakin a let 1,000 in a hmedeuh an ti. “Ai khatlo mi galaxies pahnih le ai khatlo mi black hole nganpipi pahnih kan hmuh. Asinain, an donghnak zawn khi an i lo ngai ko.

General Relativity nih naihtein a uk hna, tiah Einstine nih a chimmi hi a si taktak. Asinain, nehhnu i an i khahlonak tete kan hmuh te than a si le, cucu an kiangkap thilri an i khatlo ruangah a si te lai,” tiah University of Amsterdam i cachimtu le EHT Science Council cochair Sera Markoff nih a chim. A si kholo mi hmathlak thlaknak.

Milky Way ah a ummi black hole hi vawlei he ai naihdeuh ko nain, hman vun thlak awk ah a har deuh ve. Black holes velchum ah a ummi gas hi light speed tluk cak deng in Sgr A* le M97* velcheh ah ai chok, tiah the Steward Observatory and Department of Astronomy le the Data Science Institute of the University of Arizona i EHT scientist Chi-kwan Chan nih a chim.

Gas nih M87* voikhat a hel ah a zarh in a rau i, cu nak in a hmedeuh ving mi Sgr A* belte cu minute tlawmte chungah a hel khawh. Cu tikah, Sgr A* a heltu gas nih a chuahpimi ceu le sining hi khulrangtein a sining ai thleng kho i, mah le mei seh ai timmi uite hmanthlak timh he khin ai khat an ti. Hi a ngantukmi M87* le Sgr A* hi naihniam i an um ah cun Sgr A* hi a nak in a let 1,000 in a ngandeuh mi M87* nih a koih dih te ding khi a si.

Khulrang te i Sgr A* a heltu gas hman vun thlak manh nak dingah scientist pawl nih thilri thar an serchuah a hau lai. Tutan hmanthlak hi phuntampi hman an thlakmi chungin a tlaang an kawmmi a si. Sgr A* hman vun thlak, timi cu Los Angeles in NY City i cite dip pakhat te hman thlak vun timh bantuk khi a si, tiah California Institude of Technology nih an chim.

Event Horizon Telescope in hman vun thlak, timi hi tlaangpar i kai i khua le ram hman vun thlak bantuk menmen he ai khat lo. Technical thatein sermi durbing le computer in thatein tawlrelmi thilri in thla a haumi thil a si, tiah Katherine Bouman nih a chim. 2019 lio i thlakmi M87* kongah Bouman zong ai tel ve. Sgr A* hmanthlak hi a maw pah ko nain, hihi a fiangbik in kan thlak khawh chon cu a si, tiah Bouman nih a chim.

Kan telescope 8 ningin a dih umek in kan zoom hna i a fian khawh chung fiang dingin hman cu kan tlak. Hi vial hi a naih bik in kan thlak khawh vial cu a si ko cang. Tlawmte a maw rih, a ruang cu, fiangdeuh in hman thlak khawhnak dingah cun kan telescope hi hladeuh pi tiang kan thialkam a hau hnga, tiin a chim. A phei in ai khaangmi zawn ah.

Ai khat lo mi black hole pahnih hman kan thlak khawhmi nih hin an i khahnak le khahlonak tete mifim nih thatein an fenhter khawh cang lai i, galaxies pawl an semtertu, tiah ruahmi gas nih cu black hole a hel ning zong an fiang cang lai, tinak a si. Black holes pawl hi a tam u galaxy an laifang ah an um ngawt i, engine bangin tha a petu hna siseh law a dawh, tiah zumh a si. Sgr A* zong hi kan galaxy a laicir ah a um i, M87* hi kan vawlei in 55 million light-year hlatnak ah a um.

A tu hi EHT team nih an telescope network pehsauh khawh an i zuam lio pi a si i, a tu nak in a thadeuhmi hmanthlak thatha thlak khawhnak le movie zeih khawhnak lam an kawl lio pi a si. Video in black hole zeih khawhmi nih hin black hole ai thlen ning hi theih khawh a si cang lai i, cun gas nih black hole a heel pah in zeidah a tuah, timi kong zong theih khawh a si cang lai. Cu ti video cawlcanghnak vun langhter dingah black hole hmanthlak pahnih cu Bouman le EHT member Antonio Fuentes nih hmanhkhat ah an fonh te lai.

Kan galaxy laicir ah a ummi a daidammi black hole i a hmanthlak hmasabik hi a hramthoknak lawng a si rih, tiah the University of Arizona i professor le EHT Science Council member a si mi Feryal Ozel nih a chim. Si khawh dawhdang a si lo mi thil kha si kho dingin global research community nih thazaang kan chuah tikah cun, hi hmanthlak hi tehte khangtu a si te lai.

Zapi ca i thil tha deuh seh, tiin thazaang kan chuahti a si ah cun, minung nih kan tuah khawhnak kan lampi hi minung holh, khua le ram (continents) le galaxy hmanh nih an kham kho lo, tiah National Science Foundation Director Sethuraman Panchanathan nih a chim. Credit: Chelsea Bawi

Be First to Comment

Leave a Reply

Your email address will not be published.