Press "Enter" to skip to content

Trinity Le Oneness Online Debate Tuah Timhmi Ah Lehnak Minung Pahnih Nih An Van Tuah Cang Hih, Pakhat Nih A Thawhmi Cu Rev. Dr. Rual Uk He Tangti Hna Seh Ti Tiang Bak A Ti Ko Hih

A tulip kan Lairam lawng si loin Mizoram zongah a lar tukmi cu Trinity le Oneness kongah kan buai lio pi a si. Mah ahcun Chelsea Bawi nih thahnemnak mipi caah um seh ti ruahchannak he Online Debate tuah dingin Trinity lei siseh Oneness lei siseh kap hnih tein sawmnak Online cung in a nei.

No description available.

Mah lioah Trinity lei in Rev. Dr. Aung Myint Thang nih cohlannak a tuah i, Online ah a cohlannak langhter a si. Mah ahcun comments a petu Oneness lei in minung pahnih an um, mipi theih tein an comments mi cu a si nain confirm an tuah le tuah lo theih a si Lo.

Nain pacang online in au khuang len nak cun a takin debate Kha a that deuh i, cun, an comments mi zong hi an i Ready Pah ko ti cu a fiang. An comments mi cu ka van laughter lai. Sui Maung Comment an lehnak;

An comments ahcun ngamh tuk dawh Khi an si ko nain an confirm le confirm lo kan fiang lo. A cheu nih comment in an lehmi hna zong kan laughter lai. A Tang i langhter mi hi a fb ah Than Nun Piang a ti.

Relchap>>><<< Oneness le Trinity Nawlnak: Kan hnu leiah kan rak thanh cang bantuk in tulio cu Oneness le Trinity kan vun buaituk caah Admin zong nih aho lei hmanh tanh ngeihlo, mawhchiat le kham zong kan khan ngam fawn lo caah aa dawhnak tein Admin te nih Online Live Debate kan in tuahpiak hna lai, kan ti nak asi. Phundang ah kan ruat hlah u, cun tanh hlei zong kan ngei hrimhrim lo.

Kaphnih in bia aa al mi zong nan lungtling in comment ah nan vun tuah caah kan vun peh zulh bia asi. Trinity leiin Rev. Dr. Aung Myint Thang nih keimah ka dir lai a ti, Oneness lei zong nih ready kan si ko, nan ti tikah kaphnih nan duhning le zeitiphun in kan kal lai, tiah Oneness lei kan unau pa NT Hnuna ca kan kuat len hna nain ca a ka let ti lo. Trinity leiin Dr Aung cu tuzing ah ka chawnh i kai ready ko hi a ka ti, kan unau Oneness leiin ai tim kho ding nan um ahcun thawng vun kan thanh hrimhrim te u!

Hihi i tawng reng reng hna seh, i al hna seh, i si hna seh, ti siloin Online i cabia in bia i al lengmang nak cun face ti face in a tak in bia i ruah hi nan ca, mipi ca zongah a tha deuh lai tiah ruahnak kan ngeih caah asi. Pathian Bia i ruahti cu a sual lo pi, i nehsawh ding asi lo pi, bia i ruahti bantuk ah kan ruah piak hna caah asi ko. Forh-haih bia asi hrimhrim lo, lungthian tein le tanhmi ngeilo tein a tha bik lai, tiah kan in ruahpi hna caah asi.

Trinity leiin Rev. Dr. Aung Myint Thang ready tein a um cang, Oneness lei kan unau lehnak vun i tuah ulaw kan duh ko. Upatnak he, Admin (Credit: Chelsea Bawi)

France Election: A Mipi tamdeuh sin a Sungh hnu in Khatlei Party pawl Macron nih Ton a Timh hna
=======================================================================

National Assembly i a mipi tamdeuh sin a sungh hnu cu Tuesday ah khin Khatlei political parties pawl ton dingah French President Emmanuel Macron ai timlam, tiah theih a si.

A cozah ai hmaithlakmi remhsiam ding tete a tlam tlinhnak dingah cun a ral (rivals) hna sinin Macron nih bomhnak hmuh a herh ngaingai ko cang.

Asinain, far-right in Marine Le Pen le left-green in Jean-Luc Melenchon belte nih cun Macron he riantuanti an i tim hrimhrim lo, ti asi.

France ah cun mitlawm cozah (minority governments) hi an bengbai ngai i, a tu i Mr. Macron i Ensemble alliance nih an i ukmi thutdan hi 44 lawng a si rih, tiah theih a si.

A sullam cu, left le right party i an MPs pawl sinin bomhnak a hmuh a hau. Cu ti lawnglawng ah cun riantuan kho majority phu hi a ser khawh ding khi a si.

Tuesday le Wesnesday ah khin Party palai pawl Elysee Palace ah an i tong hna lai i, biapihla an i ceih hna lai, tiah official pakhat nih a chim.

Right wing Republicans pawl hi President nih ai ngait te hna lai, tiah mifim pawl nih an ruahnak an langhter. Cu meeting ahcun Republican party hruaitu Christian Jacob zong a kai ve lai, tiah an party nih an chim.

Ms Le Pen zong meeting a kai ve ko lai, asinain Mr Melenchon belte kai dawh a si lo, tiah AFP news agency nih a chim.

Nupes left-wing alliance chungtel a si mi Socialist Party hruaitu Olivier Faure le Communist Party hruaitu Fabien Roussel nih Mr Macron an ton lai, tiah theih a si.

France ram i a lailak thatawk (moderate) in a kalmi party cu a tam u a mipi a sungh cang hna caah, a party zengbei in a um thai lai a phang ngaingai cang. France hi uk khawhlo ram ah ai chuah taktak te sual lai, tiin TV biachimtu an thin lawng a phang kho ko cang hna.

Sunday vote an thlak lio i an thutdan a chuahtaktu (a sungmi) a minister 3 hna an zaka cu Macro nih a phihkhar colh a hau lai. Cun Prime Minister Elisabeth Borne i a hmailei dirhmun zong thinphang dailo a si cang.

Tutan zarh dongh lei sang i vote an thlakmi ah Macron te an hualvan a tha ruam lo, 53% tanglei an tolh cang, tiah theih a si. Rawleinak ticket, benefits hei ti bantuk ram chungmi khuasak tintuknak remhsiam ai timhmi kong cu President Macron nih a dotdot in a langhter. Cun a dang pakhat a remhsiam rih mi cu, pensen lak kongkau hi a si. Cuhlan i kum 62 ah pensen lak ter an si mi kha, a tu ah cun 65 ah a si cang lai, tiin a chim. Cucu mipi tam u nih an uar lo ngai.

A mipi tam u nih hnung an chit tak cang caah, cu ti hnung a chittu hna mipi zaka ah a dang a ho hlei khomhsuat ding le an um fawn ti lo. Cu tikah Pension lak kum tu a tu bantuk in a sauhnak a hi a si, tiah min langhter a duh lo mi presidential official pakhat nih AFP ah a chim.

President nih cu bantuk i remhsiamnak tete kalpi a timhmi cu right le left in a dironhtu (opponents) pawl nih doh an timh. “Kanmah duhnak zong an lak ve a si ko ah cun, kan khuasaktintuknak a thanchotertu thil a si mi paoh cu ka dirpi ko lai” tiin Ms Le Pen’s National Rally nih a chim. Credit: Chelsea Bawi

Be First to Comment

Leave a Reply

Your email address will not be published.