Press "Enter" to skip to content

Tu Chun Sandah Piak Nak Ah Police Pathum Hna Cu An Hriamnam He Mipi Sinah Ani Pe Uar An Um Bak

Kan ram cu kan theih dih cio bang, muihnak chungah kan um lio caan a si. Mipi tanrual caan a si. Tutan mipi nih ralkap uknak kan tei ahcun kan ram cu Democracy taktak kan hmu cang lai. A tu hi caan kan ngeihmi vialte lakah caan tha bik a si.

Cu kong he pehtlai in tuchun Sandahpiahnak i, Palik pathum hna zong an hriamnam he Mipi lei ah an tang i, An hawi le nih an dawh len hna nain an duh lo. Cucaah a tu hi Mipi lei nih an hriam naam zong tha tein an ap piak hna i an thuh colh hna! ” Magwe ah Palik pathum cu Mipi lei ah an dirpi hna, An hriam naam zong tha tein mipi nih an ap piak hna i an thuh colh hna” tiah theih asi.

Mah Hi Pel Lo Tein Relchih Hmanh! A Tha Tuk Lawlaw: Hlawtdaw le NCA lam in thlen khawh lo dingin Ralkap nih an ser mi 2008 Phunghrampi thlenkhawh nak lam cu a awng vuaimai cang. A hlan pi kan in ca zong karak tial bal ve. Phunghrampi thlennak ca ahcun Ralkap nih aanaa an ting a herh tiah ka ruahnak ka rak chim bal. Saduhthah cu asilo nain Ralkap nih Aanaa cu an ting taktak cang. Kan Pupa le chan ah NE WIN (Ralkap) nih aanaa a ting i kan Pupa le nih an rak tei lo.

Kanmah chan ah SAW MAUNG le THAN SHWE nih aanaa an ting than i kan chan lio ah kan rak doh ko nain kan rak tei hna ve lo. Cucaahcun atu tiang hi sifak le harsa in kan um. Atu Kan fa le chan ah MIN AUNG HLAING nih aanaa a ting than. Atutan Ralkap uknak kan fale nih an doh khawh lo ahcun kan techin fapar chan tiang Federal Democracy ruahchannak a um ti lo ti awk asi cang. Atu hi a donghnak ral doh awk CHANCE kan ngeihmi asi cang. Sungh awk a thha lo mi Ralkap Aanaa doh ding cu mipi kan tuanvo asi cang.

Hluatdaw le NCA lam in cun Chin nih kan duh mi Federal Union uknak cu kan phan kho lai lo. Kan phak khawh hmanh ah kum tamtuk a rau rih lai. Chinram aum mi party dihlak NLD, CNLD, USDP. Le Chin mipi nih lungrual tein Ralkap Uknak hi do ți hna usih. Ralkap uknak in thiltha a chuak lai tiah iruahchan duh hlah. Ralkap policy in cun zeitik hmanh ah thiltha a chuak hrimhrim lai lo.

Atutan hi kan caah Caantha (Chance) kan ngeihmi asi. Ralkap uknak hi mipi thazaang in kan tei hrimhrim lai. Party le ramkhel idoh caan asi ti lo. Hmun khat te ah kan dir ți hna lai. Kum khat hlan ah Ralkap an sung lai i, Phunghrampi zong aa thleng cang lai. Chin nih kan duh mi Federal Union zong kan hmuh nak a nai chin leng mang. Atu kan doh mi Ralkap uknak hi a donghnak ral asi ko cang. Credit: Amos Thang Chin.

Be First to Comment

Leave a Reply

Your email address will not be published. Required fields are marked *