Tu Lio Kan Ralkap Hna Caah Zohchunh Awk Tlak Asi Mi Ral Bawi Hiroo Onoda Lungput le Tuan Bia Tawi

Ralpi pa2nak lio i Hiroo Onoda Japan ralkap a si mi ralkap a tuan lio ah hin kum 22 tlangval no a si,Philippines island ram ah ral dong ding in rak kuat mi ah a tel ve,vawlei ralpi pahnihnak lio ral doh a si i,an ralbawi nih order hi pahnih te bak an pek hna,an order mi hna cu,an ral pawl nih an kah tik hna ah kham peng ding doh peng hna ding,cun zei tik hmanh ah ral sin ah i up sungkhan lo ding ti hi a si.

Sihmanhsehlaw an i dohnak ahcun Japan ralkap an sung,an i doh nak hmun cu an ral lawng te nih an control tik ah,Hiroo Onoda le a hawi pa3 cu ram tang ah an zaam i an i thup,a cu caan rau lo thlakhat hnih a liam ah Japan cu a sungkhan i vawlei ralpi pahnihnak cu a rak dih.

Cu tik ah an i dohnak ram tang ahcun mipi nih an kawl hna,rak chuah cang uh ral a dai cang tiah an au hnaw hna,cu lawng si loin vanlawng in ral a dih cang tiin an kawl hna dainak an hmuhsak hna,hi ralkap pa li hna nih an aw an au nak aw hi an thei ko nain an rak let duh hna lo,a ruang cu kan ral hna nih an kan hlen nak a si ko la tiah an rak chuah duh loh.

A hnu deuh ah ahcun Philippines police nih a hawi le hna cu an kahthah hna i Hiroo Onoda tu cu a zam manh,lungkhua ah khua asa i a um,kum 30 hnu ah lungkua cun a chuak i a chuah hnu ah an ram ah him tein an kuat i a chim mi bia cu “ka cung ralbawi nih nawl a ka pek tik ah,kei ka rian cu zulh i tuah a si ko tiah a chim”,a ral hna sinah aa pe duh lo nak cu,ral doh an rak kal lai ah zeitik hmanh ah vai up in va pe hlah uh tiah nawl an pek hna caah asi.

Kum 52 a tling hnu ah nawl a rak pe tu hna ralbawi nih i pe cang tiah nawl a pek i cu cun a ral hna sin ah i pek nak an tuah,cu pa tuan bia cu a hun lar tu i movie tiang in an chuah.
Hi bantuk hin a tu kan ralkap nih ruahnak lung put neih hna sehlaw kan ral hi kan tei hrimhrim ve ko hna lai,beih dongh nak nei lo le thachia in um lo,a sungkhan duhnak thin lung nei loin kan ral kan doh ahcun teinak cu kan hmuh hrimhrim ko la.