Tu Lio Kawlram Buai Ruangah Phaisa Lem Ser Le Hmangtu An Karh,Tuni Ah An Tlaih Mi hna
Ayarwady ramṭhen, Pathein(ပုသိမ်) khuachung ah thonghra tlap phaisa lem a sertu cu tlaih an si, tiah khuachung thawngzamhnak in theih a si. February thlathawk in tlaih an si i, cycle firtu an si ti in sualphawt a tong mi hna checkhlatnak tuahnak in phaisa lem sertu an si cu theih ṭhan an si.
Pathein( ပုသိမ်) khuachung no.4 sang Bali(ဗလီ) lam ah a um mi Lucky facang dawr cung ah phaisa lem 10000 tlap 160 hrawng leng ah phaisa lem sernak thilri le minung 2 cu tlaih an si, tiah an langhter. Pathein(ပုသိမ်) khuachung ah phaisa lem hmangtu an karh hi December thla hrawng in a si cang. Atu ah phaisa lem sertu minung 2 cu an hngalh cang hna caah tlaih an si cang, tiah khuachung um mi hna nih an chim. Delta News Agency
TUALCHUNG THAWNG: SAC Ralhrang Ralkap 2 CDF-Daai Sin Ah An I Ap; Chinram, Paletwa pengkulh, Tanhṭaung khua Tatmah 55 tang Khah-Mah-Yah 3 Battalion in ralkap Phoe Phyu le Ralkap Ye Yinh Thu cu ralhrang kuttang ah rianṭuan an duh ti lo caah January 18 ahkhan CDM an tuah i Chinland Defense Force-Daai sin ah an vun i ap, tiah CDF-Daai nih February 2 ah cathanh an chuah.
Ralhrang kuttang um duh loin CDM tuah in an sin ah a rak i ap mi pahnih hna cu a himnak hmun ah kan chiah cang hna i, Ralhrang kuttang um duh lo in CDM tuah duh mi ralkap poh cu lunglawm tein kan in don hna lai, tiah CDF-Daai nih cun an cathanh chuah mi ah an ṭial chih.
