Tu Ni Lawngah Ralhrang Minung 35 An Thi Than
March 5, Karenni ramkulh, Demosoe peng kahdohnak ah SAC ralkap 35 an thi i Nihin March 6 kahdohnak ah SAC ralkal 2 a nung in an tlaih hna, tiah SAC ralkap ruak ai pong mi pawl photo hna he Karenni PDF nih an taar. Tutan kahdohnak hi Special Force, DMO-PDF, Loikaw PDF, phaykhung PDF, Karenni Army(KA) le Karenni National Defense Force (KNDF) phufonh hna nih an kah hna i SAC ralkap cu an sungh tuk caah Kywuhsekan in Phaya ngohtoe lei ah an kir ṭhan i a nung in 2 an tlaih hna, tiah theih a si.
Nizaan March 5, Karenni(Kaya) ramkulh, Demoso peng, Phaya Ngohtoe khua, Kyauhsikan ah rallam a rak sial mi SAC ralkap le Mizapi vengtu ralkap hna cu May 5 nizaan ah chunnitlak an i kap i SAC ralkap a tlawmbik 35 an thi, tiah Demoso peng mizapi vengtu ralkap “Demoso People Defense Force(DMO-PDF) nih nihin March 6 ah thawng an thanh.
SAC ralkap hna hi Demoso PDF, Tualchung Alliance Phu hna le, CTU hna fonh in an kah hna, tiah theih a si. Demoso pengkulh chung Tesulay khua le Dawnawkun khua karlak hmun hnih ah rallam a sial mi SAC ralkap hna zong tualchung ralkap he an i kap rih, tiah theih a si. Nizaan chunnitlak kahdohnak ah mizapi humhimtu ralkap 4 hliam an tuar nain an hliamhma ah thinphan awk cu a um lo, tiah theih a si. SAC ralkal nih zaanlei sang ah mizapi umnak lei tinh in hriamngan an kah fawn, tiah Ayeyawady ramṭhen,
Pantanaw(ပန်းတနော်) peng Cungtaingkalay (ကျုံးတိုင်းကလေး) khua ah March 5 zaan Sml 11:45 hrawng ah inn a kang i, inn 38 a ciam, tiah khua mi sin in theih a si. Mei a chuahnak hi Mau inn pakhat tappi meici ruangah a si i, mei a chuahnak inn nih mau inn dang 32 le caanphio inn 6 a tlaih i an ciam dih, tiah theih a si.Mei cu Pantanaw meithat motor 2 le Patuai(ပသွယ်) palek meithat motor nih an hmih i Sml 12:45 ah an hmih khawh, tiah Ayeyawady peng meithat zung chungtel pakhat nih a chim.
Cungtaingkalay khua mipi pawl zong nih mei hmih cu an bawmh ve hna. Inn kangh ruangah a rawkral mi hi phaisa in tuak ahcun 6,80,4000 MMK man a si, tiah theih a si. Inn kangh hram aa thawknak inn ngeitu cu Zayat-Hla Gyi(ဇရပ်လှကြီး) palek nih phungrelnak caang 285 in case an ser, tiah Ayeyawady ramṭhen meithatzung in rianngeitu nih a chim.theih a si.
