Tu Zaan Tlaihmi Chung ah Minung Pakhat an Thlah nain Ralbawi a Thongtu Pakhat an Thlah Rih Lo

Tu Zaan Tlaihmi Chung ah Minung Pakhat an Thlah nain Ralbawi a Thongtu Pakhat an Thlah Rih Lo
——
Tu zan Hakha Khuathar ah an tlaihmi hna chung ah minung pakhat cu ralkap le palik nih an velh hnu ah an thlah, tiah kan theih. An thlah tthanmi hi Hakhathar ah a ummi Bawi Tha Thawng a si i, amah he an tlaihmi a hawipa an thlah rih lo.

“Bawi Tha Thawng cu an thlah tthan. Asinain, a hawipa hi an tlaih hna lio ah ralbawi pakhat a thongh ve caah an thlah lo,” tiah Khuathar upa pakhat nih The Chin Journal ah a chim. Tuzan Hakha Khuathar ah ralkap le palik nih lamkam ah a ummi motorcylce pawl an den pin ah motorcycle cheukhat zong an motor cung ah an khin i an i kalpi hna, tiah kan theih. Salai Chum, The Chin Journal