Tualchung Hriamtlai Hna Nih Palik Sakhan An Laak
Tanintharry ramtthen Thawai he meng 10 tluk aa hlatnak ah ummi Pagari(ပကာရီ) palik sakhan cu tualchung hriamtlai phufonh nih an lak tiah theih a si. Tualchung hriamtlai phu PDF, pah-kah-phah LPDF phufonh nih Pariga(ပကာရီ) hmunhma palik sakhan cu April 24, ah an luh hnawh i an khangh hnu ah SAC ralkap hna nih Pariga (ပကာရီ) khua lam hmunkip ah thazaang 60 hrawng nih Tabia(သဗျာ) khuapawng rubber sehzung chungah umhmun an khuar,
Pagari lei hoih in SAC ralkap nih hriamngan an bunh i cu hriamngan bunhnak hmun cu nizaan zaanlei suimilam 3:00 hrawngah tualchung hriamtlai phu nih hriamngan in an kah hna. Pagari(ပကာရီ) hmunhma cu tualchung hriamtlai phu hna nih an lak caah SAC ralkap nih lam tam piinnrallam an sial t tiah theih asi. Credit; The Chin Post
Relchap; Magway ramtthen, Gangaw peng Taung Khin Yan(တောင်ခင်ရမ်း)khua palik sakhan ah a nupi he thil a caw mi captain Wai Phyo(ဝေဖြိုး) cu April 23 chunhnu sml 3:00 tluk ah kah thah a si tiah PDF-Gangaw nih an thanh. Captain Wai Phyo hi PDF-Gangaw nih an bawh i an kah, a hliamhna he a zaam i sakhan tiang an dawi i an kah thah. Sakhan ah ummi SAC ralkap hna nih an kah ve hna nain, hliam tuar um lo tein hnu an tolh kho than tiah theih a si.
Cun Mon ramkulh Yee peng ah SAC ralkap sin thawng petu (dalan) an ti mi pa khua luhchuahnak gate ah gate fee a khawlh tu, 586 batallion thawng petu Kyaw Za Ya(ကျော်ဇေရ) cu April 24 ah Yee Bilu (ရေးဘီလူး) nih an kah i a thi colh tiah Yee Bilu nih thawng an thanh.
#Myanmar Ram Pumpi In April 24, Nikhat Chung Ah SAC Ralkap 87 AnThi. Myanmar ram pumpi in dohthlennak tuah hnu April 24, 2022 nikhat chung kahdohnak ah SAC ralkap 87an thi i PDF pakhat a nunnak a liam tiah Yangon Khit Thit nih a thanh. Cazin ning ah SAC ralkap a thi mi hi Chin ramkulh Hakha peng ah 20, Karen ramkulh/Kya Inn Seihgyi(ကြာအင်းဆိပ်ကြီး) peng ah 1,Sagaing ramthen Kalay ah 5, Chaung U ah 27,Kaw Lin ah 23, Taningtharyi Boh Pin peng ah 3, Magway ramthen Pauk peng 5, Gangaw ah 1,Myaing ah 2, an dih lak 87 an si. Chaung U ah PDF pakhat a nunnak a liam.
#South Korea Ah Spring Revolution Cup An Tuah. Chin Youth Organization-South Korea hruainak in Spring Revolution Cup (Futsal) zuamnak cu April 24 ah hlunghlai ngai in an tuah tiah theih a si. An tuah hnawhchan cu Chin ramkulh ralzaam hna le dohthlennak a tuahtu hna bawmhnak pekhnak ding caah Spring Revolution Cup pumpululh chuih zuamnak an tuak nak hi a si. NUG bond zong South Korean Presidental Exchange Office in rianngeitu hna nih an zuar tiah theih a si.
Relchap; Ayeyarwaddy ramṭthen, Pyapon(ဖျာပုံ) peng Kyonkyaik(ကျုံကျိုက်) khua um SAC ralkap kuttang rianṭuan khuabawi, Aye Ko le a nupi cu PDF nih April 24 zan sml 9:10 ah an kah thah hna, tiah kan theih. An nuva in an inn ah kan luh hnawh hna i namte le thingtan in an kan dir onh nain kan kah thah hna, tiah Pyapon Peng People`s Defense Force nih cathanh an chuah.
Aye Ko nih hin khua mino pawl cu a hrocer lengmang hna, tiah tualchung mi sinin kan theih, “Aye Ko hi a hlan ahcun ralkap a rak si nain a zaam mi a si. Zu a ding peng, a rit paoh ahcun khuami cu keimah hi zei ahdah nan ka rel,ralkap ka auh hna lai hih, tiah a hrocer tawn hna, Aye Ko an kah lio ahhin leng kan chuak ngam lo,
Meithal thawng cu video chung lawng ah dara kan theih bal tiah amah an kah thawng cu a si ko, mei kan hmih dih hna i innchung ah kan lut hna,” tiah Kyonkyaik khuami pakhat nih a chim. Kyonkyaik khuabawi Aye Ko a thahtu hi Pyanpon PDF le Maupin(မအူပင်) PDF an si i SAC ralkap kuttang khuabawi rianṭuan mi pawl ralrin kan pekmi hna cu caan a dih cang, tiah cathanh an chuah. TCP
