Press "Enter" to skip to content

Tuar A Har Ko Depeyin Ah SAC Ralkap Nih PDF Minung Pa 8 Hna Cu An Nung Bu In An Khangh Hna

Sagaing ramṭhen, Tangse peng um ralzaam sakhan cu SAC ralkap hna nih March 6 ah hriamngan in an kah i, an luhhnawh hna, tiah khua mi hna nih Yangon Khit Thit ah a chim. March 6 ni zinglei Sml 6 hrawng ah Tangse peng, Kyunlay(ကျွန်လေး) khua um SAC ralkap hna le Phyosawthi hna nih Hmiohinn ( မြောက်အင်း ) khua pawng um ralzaam sakhan cu hriamngan in an kah hna.

Zinglei Sml 8:30 hrawng ah Tangse PDF hna nih hriamngan in an kah ve hna i kahdohnak Sml 1 hrawng a chuak, tiah theih a si. Kahdohnak a dih in SAC ralkap lei in aa hliam mi an tam i PDF lei in a hliam mi um lo tein hnu an tolh kho. Phyosawthi cheukhat i an cycle pawl zong an laakpiak khawh hna, tiah Tangse PDF ralkap chungtel pakhat nih a chim.

“SAC ralhrang hna le Phyosawṭhi hna nih ralzaam sakhan cu an kah. Cuka hmun ralzaam hna cu- Phyosawṭhi hna nih khuate cheukhat hna an duah caah Inn Pin Thar(အင်ပင်သာ), le Swe Gin ( ရွှေကျင်) ti mi khua hna in a zaam mi an si hna. Kyun Lay ( ကျွန်းလည်) , Ka Be ( ကဘဲ) , Moe Khuah (မူးခွ) khua ah Phyosawṭhi hna le SAC ralkap hna umhmun an khuar,” tiah Tangse PDF ralkap chungtel pakhat nih a chim.

Sagaing ramṭhen ah March ni 3 zanlei Sml 11:00 hrawng ah Internet line an phih hnu ah Depeyin peng, Min Swe Hnit ( မင်းဆွေနှစ်) khua ah PDF ralkap minung 8 cu ralhrang nih March 4 zing Sml 6:00 hrawng ah meikhangh in an thah hna. Meikhangh in thah a tong mi hna an ruak cu mizapi vengtu ralkap phu hna nih ṭha tein an vui khawh.

Internet line phih a si caah Faak tuk in thah a tong mi hna cu mipi sin ah kan langhter kho lo i Internet hman khawhnak hmun ah kal in Media hna sin ah kan kuat i, kan langhter tiah PDF ralkap phu chungtel pakhat nih Yangon Thit Thit ah a chim. “Kanmah lei Depeyin ralkap 8 cu ralhrang nih a nung in an thih tiang an khangh hna. An cycle zong an duah chih dih,” tiah PDF ralkap pakhat nih cun a chim.

Be First to Comment

Leave a Reply

Your email address will not be published.