Press "Enter" to skip to content

Tuar Phu Arak Si Hrim Ko

TUAR PHU ARAK SI HRIM HRIM KO (KAWL RAWNNAK IN TLANG CUNG MIPHUN ). Dohthlennak Kong kau ah cun kawl mi nak in Tlang cung miphun cu kan tuar deuh hrim hrim a herh ko. kawl ee lai ee ti ding a si lo dohthlennak kongkau ah nan ti men ko lai. Sina in Kan I tinhnak pei a rak I khat ti lo cu, an nih caah zalawnnak le election kha rak cohlang hna seh, 2008 phungphai remh le Ralhrang political Chung in I dinhna hna seh law a rak za diam.

Sihmanhsehlaw kan nih tlang cung mi kan caah cun hi nak man sung deuh mi kan pupa ro, thluachuah mi kan vawlei huhimnak le miphun nawlngeinak caah kan ral cu kan doh a herh ko. Kawl miphun fang khat ,tlang cung miphun fangkhat ti men men in hnemh kan duh ti lo. Cu caah Tinh nak a khat lo mi, dohthlennak ruang ah kawl miphun nih tlang cung miphun bantuk in ralhrang an doh ve lo ti ding a si lo.

Fale nih nu le pa sin i duhmi ro thil an hal i Nu le Pa nih an pek khawh rih hna lo caah chungkhar sinak a zawr hlei lo. Cu ti cun Tlang cung minih Ralhrang sin ah Nu Pa ro kan hal hna lo , hram hram in chuhmi kan vawlei kan nawlngeinak tu lak than kan duh cang ,election le Ralhrang political Chung in I dinhnak men men ca ah a si lo.

Hitin ka tial tik ah miphun thleidannak ca si lo in kan I tinhnak aa khat lo titu kha a ruah zia rak thiam hram uh. I tinhnak a rak i khat lo hnu ah cun zeithil paoh hi tuar a herh ah cun kan tuar deuh cu a hau ko . Cu caah kawl ram hmanh ah Ralhrang an tuk hna lo , kan mah tlang cung mi lawng nih nunnak pek in doh len ding a si lo ti ruahnak hi zanghlei kan cawi ti ruahnak a si .

Cu ti a si ah cun Ralhrang nih tah an mah kawl miphun an ruah hna bantuk khin tlang cung mi kan cung ah hin an kan ruah lai tiah nan ruah maw, ruahnem mam lai lo .Tlangcung mi kan cung I an thil tuah le an Zia hi tahchun ngam ding a si lo. Cu caah kawl mipi 90% hmanh nih zalawnnak, election le ralhrang pawl politic in chuak ding men ah, hi tluk in nunnak pek an ngamh ah cun , kan vawlei kan nawlngeihnak ca i tlang cung mi nih kan tuar mi harnak hi ,tuarphu a rak si ko. Crd: Hrangtin Thang

Lungput Kong Relchap; Thluachuah hmuhnak lam hi phun tampi a um ko lai. Cu phun tampi chungah cun LUNGPUT hi a biapi bikini a si tiah ka ruah. Rev. Dr. Van Ram Oke nih “Thluachuah hi lungput ruangah kan hmuhmi a si” tiah a chim bal. Hi bia hi a hmaan tukmi a si. A Lungput a ṭhami, a thiangmi le a tluangmi nih Pathian sin in thluachuah an co.

Swift's Attitude to Mankind As Portrayed in “Gulliver's Travels” –  Hamandista Academy

A lungput a ṭhalomi, a zertiangmi, a thurhnawmmi nih thluachuah an co kho lo. Zeidang ruang i an co cangmi thluachuah hmanh an lungput ṭhatlo ruangah an sung ṭhan tawn. Lungput ṭha a ngeimi le lungput ṭhalo a ngeimi cu a tanglei bantukin an si.

1. Lungput ṭhalo a ngeimi nih cun amah zawn lawng aa ruat, asinain lungput ṭha a ngeimi nih cun amah zawn lawng si loin midang zawn a ruahchih zungzal.

2. Lungput ṭhalo a ngeimi nih cun amah caah miaknak le ṭhatnak a si paoh ahcun midang an sungh le an fah zongah a poi a ti lo, asinain lungput ṭha a ngeimi nih cun midang fah le sunghnak cun keimah tu sung ko ning, tuar ko ning an ti. Thlachiat ruahnak lungthin an ngei.

Swift's Attitude to Mankind As Portrayed in “Gulliver's Travels” –  Hamandista Academy

3. Lungput ṭhalo a ngeimi nih cun a hmuhmi ṭhatnak kha midang nih an hmuh ve sual lai ti a phang, thilṭha kha midang a chim duh hna lo, asinain lungput ṭha a ngeimi nih cun ṭhatnak a hmuh tikah midang zong nih hmu ve hna seh, timi siaherhnak a ngei.

4. Lungput ṭhalo a ngeimi nih cun zeitik paoh ah a hmuh lei lawng a duh i a ruat, amah nih pek ve aa tim bal lo, asinain lungput ṭha a ngeimi nih cun a hmuhmi kha midang a pek chin ve tawn hna, cun hmuh ṭhan ding i ruahchan loin pek a herhmi kha a pek hna.

5. Lungput ṭhalo a ngeimi nih cun keimah duhning le ruahning in zeipoah hi si seh ti an duh, asinain lungput ṭha a ngeimi nih cun midang duhning le ruahning a zoh zia an thiam.

6. Lungput ṭhalo a ngeimi nih cun mi nih ka tuah piak hna seh, ka bawm hna seh, ti lawng an duh, asinain lungput ṭha a ngeimi nih cun mi nih an ka tuah piak, an ka bawmh bantukin kei zong nih ka tuah piak, ka bawmh ve hna a herh tiah a ti.

Milan Kundera quote: Mankind's true moral test, its fundamental test (which  lies deeply...

7. Lungput ṭhalo a ngeimi cu mi nih sunghnak le fahnak an ton tikah a zeihmanh a poi lo, asinain lungput ṭha a ngeimi mi nih sunghnak le fahnak an ton tikah an ngaihchiatnak a hrawmpi hna.

8. Lungput ṭhalo a ngeimi cu mi nih thilṭha pakhat khat an hmuh tikah a mithmai a chia, lungput ṭha a ngeimi nih cun mi nih thilṭha an hmuh tikah lawmhpi nak lungthin a ngei.
Lungput ṭhalo a ngeimi cu midang caah rap/thang a si, lungput ṭha a ngeimi tu cu rap / thang chungin luatter tu a si.

9. Lungput ṭhalo a ngeimi nih midang lung a fahter, midang ngaih a chiatter, asinain lungput ṭha a ngeimi nih cun midang lung a lawmhter tawn.

Milan Kundera quote: Mankind's true moral test, its fundamental test (which  lies deeply...

10. Lungput ṭhalo a ngeimi nih cun midang chambaunak a hmuh tikah a soisel i a thangchiat, asinain lungput ṭha a ngeimi nih cun midang chambaunak a theihthiam piak.

11. Lungput ṭhalo a ngeimi cu thil hmete kong zongah a thin a hung i cu a thinhunnak cu a lung chungah a uam peng, a caan a cut tik i samh dingah! Asinain lungput ṭha a ngeimi cu thinhun cu a thiam ve nain a huaha lo ah fawi tuk in a thin a hung bal lo, a thin a hung tik zongah caan raulo teah a daihter ṭhan, lungchungah i uam a hmang lo.

12. Lungput ṭhalo a ngei nih cun remmi le huatmi an ngei, asinain lungput ṭha a ngeimi cu mi vialte he an i rem, hmunkhat ah an umṭi kho i rian an tuanṭi kho.

13. Lungput ṭhalo a ngeimi le lungput ṭha a ngeimi hna nun in a chuakmi theitlai an i dannak tampi a ummi chungin a cunglei hna khi ka theihtawk ka vun langhtermi a si. Khi hna nih khin lungput ṭhalo ngeih ṭih a nun zia le lungput ṭha ngeih duh a nun zia a fianter ko.

Dharma Mittra quote: With constant practice, one can improve his physical  body and...

Phungthlukbia 11:20 ah “Lungthin ṭhalo a ngeimi cu Bawipa nih a huat hna” tiah a ti. Bawipa nih huatmi le hlawtmi si tlukin ṭih a nungmi a um lo. Pathian nih an huat lonak dingah lungput ṭha ngeih a herh. Phungthlukbia 4:23 ah cun “Na lung kha ṭha tein veng tuah, zeicatiah cuka cun nunnak certi kha a put” tiah a ti. Lungput ṭhatlo cu Pathian nih huatmi sinak a si nain lungput ṭha ngeih cu nunnak certi a si.

Biahalnak: Hi ca a reltu u le nau, hawikom dawt le nu le pa vialte hna nangteh zei bantuk lungput a ngeimi dah na si? Na lungput kha ṭha tein chek law hi baihalnak hi nangmah tein rak i let ve!

By. Salai CP Lian (Crd; the chin Post)

Be First to Comment

Leave a Reply

Your email address will not be published.