Tuhi Hakha khuachung ah meithal apuak len ko
Tuhi Hakha khuachung ah meithal apuak len,khoika sang ti bel a fiang kho deuh lo. Salai William. Nihin, January 25 zing Cawbuk kahdohnak ah SAC ralhrang lei minung pa 2 an thi i an thin hun ruang ah mipi inn cu ṭheng in an hrawh piak hna. Cun aa chokmi minung 2 hrawng zong an tlaih hna tiah theih a si.
”A tu ah inn 3 an hrawh piak cang hna i inn zeizat dah an hrawh rih lai theih a si lo. Aa chokmi minung pa 2 zong an tlaih hna,” tiah minung pakhat nih CCN ah a chim. Cawbuk sang lei ah ho hmanh i chawh rih lo ding a si lai. CCNC
SAC Nih Vanlawng In Mindat Peng A Kahmi Kong Ah CNF Cathanh, Chin National Front(CNA) nih Chinram kulh Mindat peng ah SAC nih vanlawng in a kahmi kong ah dohkalhnak cathanh a chuah.
”SAC nih Mindat peng ah mizapi umnak tinh in January 7 le 8 , 21 le 21 ni hna ah vanlawng in voi 8 a kah caah biaknak inn , Mizapi inn telh in le Mizapi ralhrial an i dornak inn le Siikhan zong a rawk dih tiah kan theih.
SAC tuahsernak hi caan saupi an dir khawhnak caah mizapi cungah hramhram in an tuahmi a si caah ,Chin National Front/ Army nih SAC a hram in a bongh tiah kan doh lai” tiah cathanh chuah.
Ukraine ramah Tanks kuat dingin Germany nih biakhiahnak a tuah, German Cozah nih cun Ukraine khuapi Kyiv nih Russia sinah fak ngai in sunghnak a ton hnu ah Leopard Tanks pawl cu kuat dingin a hnatlaknak an tuah nak kong nihin 25/01/2022 Cawnnithumni (Wednesday) ah khan a than.
Tank pawl kuat le kuat lo kongah hin German Cozah Chancellor Olaf Scholz`s hruai mi cu Zarhkhat chung biacaihnak an ngeih hnu ah Tank kuat dingin hnatlaknak an tuah hi a si. Cu pin lengah NATO Member ram pawl hna zong German Cozah nih hin Ukraine bawmhnak ah Tank an ngeih mi pawl kua ve cio dingin forhfialnak a tuah chap.
German Cozah biakhahnak pehzul hin Poland, Spain, Finland le Norway ram hna hrang zongah Ukraine ram bawmhnak dingin Tank kuat khohnak lam a sial lawng si lo in, Ukraine nih raltuknak caah Tank 100 ka herh a timi mi a hlawhtlin khohnak hnga caah hin US nih Tank a kuat ve ah cun Ram kip nih Tank pekchanhnak an tuah khoh mi a si.
Olaf Scholz`s nih cathanh mi ah a langhter ningah cun “ Hibantukin hnatlaknak kan tuah mi nih hin kan si khoh tawk tein Ukraine Ram kan support timi langhternak a si pinah ramdang hnursuang lo tein kan cawlcangh mi a si” a ti.
German ram nih hin Ukraine ram sinah a pek mi Leopard 2 Tanks hi a dihlakin 14 a si. Hi Tanks pawl hi a mah nih a serchuah mi a si i, Ukraine nih Tank Battalion Pahnih a ngeih khohnak ding caah bawmchannak a si.
Britain le Poland ram hna zong nih Tank 14 veve an pek nak lai kong an thanh cang. Tank Battalio pakhat tuahnak caah hin Battalion pakhat ah Company pathum an um i, Company pakhat ah Tank 14 cio um a si. The Chin Post
