Press "Enter" to skip to content

Tutan Myanmar Buainak Kongah Keimah Ka Ruahnak Ka Van Langhter Ve Tuah Lai

Tutan Myanmar Buainak Kongah Keimah Ka Ruahnak Ka Van Langhter Ve Tuah Lai!! Kan ram a buai cuahmah mi kongah keimah lung diriam in ka ruahnak ka van langhter ve ta lai i,nangmah te hna nih mahbantuk ruahnak hna hi a ngei ngam ding na si lo tiah a ka ti mi zong nan um len ko lai,sihmanhselaw keimah nih ka ruahnak cu langhter a thiam ko caah iphuhrung lemlo te in ka van langhter ve ko hih.

Bia dawmh: A tu kan ram buainak hi Chin mi nih kan mah lawng si lo in,Karen,Kachin,Shian,tibantuk isawm in zalonnak(Independen) kan thanh khawhnak caan ah hei hmang kho ve usilaw ka hei duh dah. India ram nih kum 1947 ah Mirang sin in independen a hmuh lai te ah khan india rampi chungah buainak faakpi a rak chuak i zanawi an rak hnuk i,mah cu an buainak cu caanttha ah Pakistan nih cun i laak riangmang in independen ah an rak phuan i,a tutiang independen an sithai.

Kum 1971 kum ah khan India le Pakistan kha an karah buainak a chuak ve hoi i mah cucu Pakistan ram chung i a rak um mi,Banglades nih cun caanttha ah ilaak riangmang in india cu ai sawm i 26 March thla ah Pakistan ram in independen a rak ngah phah i a tutiang independen in Banglades cu a um thai. Kum 1943 in Japan ralpi a thawh lio ah khan ram tampi hna nih zalonnak an rak hmu i an ram min kha an tam caah ka van langhter lemlo i nan theihthiam ka zumh.Russia rampi kha an ram chung ah faakpi in buainak a rak chuak ciamman i Russia ram chung in State tthawng le rum mi State 14 bak nih lungrual tein independen an rak ngah i,Russia uknak in an rak chuak ko khah.

Mahbantuk in a tulio kawlram buainak ah hin Tlangcung hriamtlai nih kan pa le mifim cio kha ruahnak ngeihpi in independen thanh khawhnak ding caanttha ah kan hmanpiak hna selaw,mah cucu kan nih Chin mi le Tlangcung mi hna kan caah kawl kut i kan chuah khawhnak lam a si ko lai ti hi ka lungum bia ka van langhter ve.Independen thanh khawhnak dinglam tu cu kan pa le nih an theihtuk ko lai i,cu ti in siseh,kha tiin siseh ti mi tu cu tampi ka cchim lem lai lo,a thei deuh mi kan pa le kut ah ka hei chiah ko hih.

Ruah a sur lai ahcun khua a dawm tawn i,mah khuadawm nih ruah a surter i ruah nih cun thlaikheu kha a thatter i theipar tampi a chuahter.Chin cozah ser caan a si,zalonnak thanh caan cu a tu hi a si.A tu hi caantha a si.Efisa 5:15 Zeitindah kan nuncan a si ti kha òha tein i zoh u. Mihrut bantukin um hlah u, mifim bantukin um u. 16 Atu kan nikhua hi caan chia a si caah, caan òha nan hmuhmi paohpaoh kha òha tein hman i zuam u.Tinduh Thang

Be First to Comment

Leave a Reply

Your email address will not be published.