Tuzanlei Ah CNA Nih Ralhrang An Umnak Ah Bomb in An Kah Hna

Zanriah eika thawtnak part (2).CNA- Jet Fighter. 5:00PM ah Thantlang um kawl ralkap Bomb in a thlak hna, Cun tuaingah Martial Law Thanhnak Thantlang Palek Riahbuk Lai Ralkap Nih Bomb Thlak

East Lairam, Hakha, 2023 Nohawng 3: East Lairam, Thantlang peng cu ralhraang nih Nohawng 2 zaan ah Martial Law hmang dingin an thanh hnuah Thantlang khua ah a ummi palek riahbuk cu Lai ralkap hna nih Drone in bomb an thlak.

CNA, CDF, nih Drone nih nithaizing ah Thantlang khua palek riahbuk cu bomb thlak a si, thi le hliam an um le um lo fianghlang in theih a si lo” tiah an chim.

Ralhraang nih East Lairam, Tedim peng, Tonzang peng, Falam peng, Kanpetlet peng, Matupi peng, Thantlang peng, Hakha peng, peng 7 cu Martial Law ah nizaan ah khan an thanh.

SAC Nih Uknak A Laak Kum 2 Chung Ah Kahdohnak Voi 8,100 Leng A Chuak, SAC nih hramhram nawlngeihnak a laak 2021, February ni 1 in 2023, January 20 tiang Myanmar ram pumpi huap ah kahdohnak voi 8100 leng a chuak tiah “ISP-Myanmar” nih February ni 2 ah a thanh.

2010 in 2020 tiang kum 10 chung ah aa thlengmi cozah 2 nih a tak tuah ding tiin an chuahpimi cu ramkhel lei buainak kong ah cabuai cung biaruahnak in a phichuak kan kawl lai tiah rak chim a si nain, cu vialte zong cu SAC nih uknak a laak hnu ah a rawk dih.

SAC nih hramhram thilsual an tuah ruang ah hriamtlaihnak dah ti lo lam dang thim ding a um lo tiah an langhter. Ramchung ah hriamtlai phu 600 hrawng an um i, SAC nih Myanmar ram pumpi huap ah pengkulh 198 lawng a huap khawh.

SAC ralkap nih uknak an laak hnu ram pumpi huap in ralzaam dirhmun a phanmi sing 20 leng an um, inn 60,000 hrawng an khangh tiah “ISP Myanmar” nih an thanhmi ah an langhter. RFA

Homalin Peng Kahdohnak Ah SAC Ralkap Helicopter Tla Lak In Kahpiak An Tong, Pyusawhti Le SAC Ralkap 20 An Thi, Sagaing ramṭhen, Homalin peng Shwepyiaye Myotit pawng, nihin February ni 3, a cangmi kahdohnak ah SAC ralkap Helicopter pakhat kan kahthlak khawh tiah NUG nih cathanh a chuah.

SAC ralkap Helicopter pakhat cu tualchung hriamtlai phu PDF Hkamti pengkomh Battalion 1 Homanlin, HPDF 124, HPDF, HPDF Mokyu le ṭangṭi phufonh nih tla lak in an kah khawh tiah NUG runvennak lei vuanci nih a thanhmi ah a langhter.

Cu kahdohnak cu February ni 3, chunhnu suimilam 4:00PM hrawng ah a cang i, kahdohnak chung ah SAC ralkap le Pyusawhti 20 hrawng an thi. Tualchung hriamtlai phu lei in minung 2 nih ram le miphun ca ah an nunnak an pek tiah an thanhmi ah cun an langhter chih.

February ni 1 in February ni 3 tiang kaphnih kar fak ngaiin kahdohnak a chuak. Sagaing ramṭhen, Sagaing peng Tada Oo khua cu SAC ralkap nih luhhnawh in an kahdoh caah kum 6 tluk ngakchia pakhat a nunnak liam tiah tualchung mi nih an chim. Western News

Kalaymyo Ah Facang Man A Kai, Sagaing ramṭhen, Kalaymyo ah Kanan Ayeyarmin facang dip khat ah 55,000ks hrawng in rak zuar tawnmi cu January thla dih hrawng in cun 66,000ks tiang a man kai tiah Kalaymyo ah facang zuarmi dawr ngeitu pakhat nih a chim.

” Cu hlan ah cun Kanan Ayeyarmin facang hi dip khat ah 55,000ks hrawng in kan rak zuar nain atu ah cun 67,000ks hrawng in kan zuar cang. Sintukhah cu dip khat ah 55,000ks in kan zuar, cu zong cu ngeih ṭhingmi a um rih caah a si” tiah a chim.

Atu zuar liomi facang hi a ṭhing an si, a thar cahmi facang a phanh ah cun Ayeyarmin facang hi dip khat ah 70,000ks hrawng in zuar a hau cang lai tiah a chim chap.

Kalaymyo ah facang man a kai ruang ah kanmahlei zong ah facang man a kai, Kanan facang dip khat ah 70,000ks hrawng in kan cawk, 75,000ks tiang hi cu a man kai lai tiah zumh a si tiin Tedim tualchung mi pakhat nih a chim.

SAC nih uknak a laak hnu Kalaymyo peng 2022 kum chung ah cinthlaknak vawlei acre 120,000 in 150,000 tiang cinthlaknak kan tuah kho lo tiah pengkulh cinthlaknak lei zung rianṭuantu pakhat nih a chim. Chin World

SAC Nih Uknak A Laak Kum 2 Chung Ah Kahdohnak Voi 8,100 Leng A Chuak, SAC nih hramhram nawlngeihnak a laak 2021, February ni 1 in 2023, January 20 tiang Myanmar ram pumpi huap ah kahdohnak voi 8100 leng a chuak tiah “ISP-Myanmar” nih February ni 2 ah a thanh.

2010 in 2020 tiang kum 10 chung ah aa thlengmi cozah 2 nih a tak tuah ding tiin an chuahpimi cu ramkhel lei buainak kong ah cabuai cung biaruahnak in a phichuak kan kawl lai tiah rak chim a si nain, cu vialte zong cu SAC nih uknak a laak hnu ah a rawk dih.

SAC nih hramhram thilsual an tuah ruang ah hriamtlaihnak dah ti lo lam dang thim ding a um lo tiah an langhter. Ramchung ah hriamtlai phu 600 hrawng an um i, SAC nih Myanmar ram pumpi huap ah pengkulh 198 lawng a huap khawh.

SAC ralkap nih uknak an laak hnu ram pumpi huap in ralzaam dirhmun a phanmi sing 20 leng an um, inn 60,000 hrawng an khangh tiah “ISP Myanmar” nih an thanhmi ah an langhter. RFA

https://www.facebook.com/william.hrangsai/videos/1690836754696898