Press "Enter" to skip to content

Tuzing Ah Min Aung Hlaing Nih Chinram Uktu Ah A Thim Mi Pu San Mawi Cu Heart Attack In A Thi

Chin ramkulh uktu Pu San Mawi Nikhuai a thi.Tukum February 1 ah ralkap nih rampi uknak hramhram an laak hnu in Chin ramkulh uktu ding ah an thimmi Chin State Administration Council Chairman Pu San Mawi Nikhuai cu tuzing February 11 ah lung lei zawtnak heart attack in a thi.

“Ralkap nih Chin ramkulh uktu an thimnak in nikua hra lawng a si rih nain ram buainak a tam caah a lungretheihnak phur kho loin heart attack in a thih hi si lai” tiah Halkha um min langh duh lomi pakhat a chim.Pu San Mawi Nikhuai cu Falam peng Lumte khuami a si.a mah hi nai teah ralkap nih ukpen nak an lak hnu in Min Aung Hlaing nih Pi Lian Luai dirhmun ah a chiah mi rian a pek mi kha a si.

Nay Phyidaw Duh Lonak Langhtertu Myat Tattat Khine Kaptu Palik Bawi.Nay Phyidaw zongah Ralkap duhlo lamzawhnak cu a linsa chin lengmang, hihin Duh lonak langtermi chungin Siangngakchianu Mzh Myat Tattat Khine cu palik bawi Nyi Nanda timi pa nih a lu ah meithal in a kah i a ril.Minu cu sizungah a ran khawh chungin an tlikpi i tuan deuh ah a thi tiin thawng an thanh.

Sinain atutiang ahcun a thi rihlo, a nunnak ding hi zskhat ah 3 tluk hrawng lawng a um, a nung lsi timi chim awk tha silo a si khawh chungin a nunnak chanh kan i zuam lai tiah siibawi te nih an chim.Siang ngakchianu a kaptu palik pa Nanda win ti zongah ai timi pa cu biaceih zungah chuahpi a si tiah Myanmar bbc thawngzamhnak nih a langhter.Hi thawng pang ruangah mipi thinlin in an um i duh lonak langhtermi a let in a linsa kho tiah mitampi nih an chim.

Be First to Comment

Leave a Reply

Your email address will not be published.