Tuzing, Timit Kahdohnak Ah CNA Ralkap Salai Phe Thang Nih Ram Le Miphun Caah A Nunnak A Pek

RIP, Tuzing February 10,2023 Timit I kahnak ah CNA Chin pasaltha Salai Phe Thang nih ram le miphun caah a nunnak a pek🙏 Credit; Chelsea Bawi

Relchap; First and foremost ah – Kan #Chinralkap nan dih lak upatnak sangbik kan pek hna!! 📝 ‘Nang zeidah na tuah khawh, kei zeidah ka tuah khawh’ – Kan ram caah ralttha tein hmai kan nor hna lai! 📝

Dothlennak ah a kum 3nak kan lut cuahmah, zeitluk tiang dah na tel khawh cang? Ramchung um kan si ah, ramleng um kan si ah kan mah le kan mah biahal nak van I tuah ta hna usih. Kan ralkap thatha an nunnak a liam cuahmah lio ah hin tah nang na thu peng rih ko lai maw!!

Are you a #Patriot? What can you do for you country? What have you done for you country? ‘Some Give All’ timi phrase nih ka ngaih ah ka chiat ter lengmang ii khua fak piin ah ka ruah ter.

Nangmah le keimah kan ram kan Chinland teinak a hmuh khawhnak ding caah zei rian dah kan ttuan aherh. Zei bantuk thinlung put dah kan neih awk asi.

#Patriotism – Ram dawtnak Miphun dawtnak timi hi ram pakhat a tthancho khawhnak ding caah a herhbik mi thil asi. Patriotism timi cu mi pakhat nih chimh cawnpiak khawh mi asi lo ee, nangmah tein na thinlung ah a sem mi feeling asi hau. Patriotism cannot be taught to anyone; it is the purest feeling a person develops for his/her country’s betterment.

Chin National Day / Chin Miphun pini, Tho Puai ‘Harvest Festival’ tibantuk caan hna lawng ii ram dawtnak social media ah post #ProudtobeChin, hmanthlak ii tar len hna lawng hin cun aza lo. Tulio a laar ngai micu, Laithil manfakfak in iicawk le ii thit hi asi, atthatuk! Lainu na dawhbak! Laithil naa cawk ruang ah minung pakhat a paw Na cawm/rian na pek kan ti khawh.

Atulio caan ah minung pakhat/pahnih hlawknak ca lawng iin riantuan a ngah lo, laithil naa cawknak man kha kan ram ah kua law, kan ralkap hna sin ah phan kho seh law, kan ram nih luatnak ahmuh khawh nak ding caah bawmtu asi lai. Atu lio kan lai puan pakhat ah dollar in $2000 hmanh a phan mi an um, Dollar thong 2 nih hin kan ralkap pawl thla zeizat dah an paw a cawm khawh hna na ruat bal maw? Atang lei ah tamdeuh in ka rak ttial lai.

Minung tampi a hlei in nutungno fano sem lio caan income neih lo lio caan, leiba le docawi bu in laithil nan caw ii nan ii lak theu tawn mi ka theih, Leiba le docawi bu’in tah Ram le Miphun caah tangka hlut na tim bal maw? Iin kan um sawhsawh zong ah dawkaw kan chawva in ral kan doh khawh cu, facem chan bu in dawkaw ral kan doh khawh cu!!

Mah lak ah a ttha ngai mi thil pakhat, laithil nan cawknak hna nih hin an hmuh mi profit zeimawzat chung te’in ram le miphun caah tiin an hlut theu tawn mi hi asi, an zia thinh hna hlah seh!

Atu cu kan ram nih ah kan herh bik lio caan te dawkaw asi fom cu… Zeithil hmanh hi a caan lio te ii tuah lo le, ttanlak lo ah cun san an tlai ti lo. Cucaah hithil tete zong hi van ruat ta hna usih ti ka duh.

Patriotic timi minung hna cu, a ram nih freedom/luatnak/teinak ahmuh khawhnak ding caah a thli tein rian a rak ttuan cuahmah mi pawl hna hi ansi. Kan miphun nih tibantuk minung tam pi ah kan herh hringhran dah!

Patriotism timi hi ram ca ii nunnak pek in ral va doh hriamnam va thlaih, thi va chuah lawng khi asi lo. Ram nih a herhbik lio caan ii Kan mah le kan thiamnak hmang in rian rak tuan cio ve hi asi ko lo maw. Example ah van thlir ka duh mi cu, mitampi nih an profession, an rian, an chawva, an dirhmun sangsang kaltak in CDM (Civil Disobedient Movement) tuah ii kan ram le miphun caah ni-hlawh lo te’in a ttuan cuahmah mi pawl hna hi ansi ko, tampi Camp Victoria ah Doctors, Nurses, Engineers,

Surgeon, Electrician, and Journalist pawl hna tiang in hmuh khawh ansi. Hi hna minung hi true example taktak dawkaw ansi, zohchunh awk an tlak ii an nunning hmuh ah mi thinlung a laa, midang kan caah thazaang taktak bak ansi. Hi Dothlennak ah hin kan mah le, kan sitawk kan level cio te’in hmanawkthlak si khawh ii zuam hna usihlaw, a lam kip teinak cu kan hmuh ko lai.

Adonghnak ah langhter ka duh mi cu a tanglei bantuk hi asi. Ram le Miphun caa ii tuanbia a ttial cuahmah tu pawl, Kan Chin ralkap hna ii an hmuh mi thlakhat an income hi fak piin ruat hna usihlaw ti ka duh. Officer hna hi Bo khat in a cunglei pawl ansi.

➡️Officer – 90,000Kyat ($61.73 AUD) ➡️Ralkap – 60,000Kyat ($41.15 AUD) I’ll leave it there for you to think for yourself!! To be continued.. Credit; Mercy Zung Zathang

In Sacrifices For Liberty and Peace: Thlantlang. Nihin cu Thlantlang khualai lamtonpi (laansung) ah ka dir. Hnuhmai kai mer. Minute pakhat dan ah a puak mi meithal thawng dah lo, thawng a dai zirziar. Ning a ti. Caanphiao kang ai thlai i ai khawng mi thawng hna dah lo, a king cikcek. Dawr lamthluan pi ka zoh.

Palik len lam ka hei zoh. Saisihchuak lam ka hei cuan. Market sang leilam ka hei zoh than. Voidang nihin ah khan cun mu— Chin Miphun ni lai sikaw, kan urhsaih le kan timhlamh vialte, dawr lamthluan thawri vialte. Motor Cycle lutchuak le hngerhte chuakchuak minung vialte.

Tiokap khua mi pawl dawr lamtlang ah pawl phingpheng tete in dawrngei pawl he thilman kan i det pah lio tete hna, Paliklen lam ah Aria Sabuti dawr lutchuak seino rual rik le raak hna, Palik len in a hung tum mi mitsen ho kianlo cheukhat le Hakha lei in a rak tlung mi Taungzalat le Chintaungtan bus pawl hna; ka mitthlam ah a tomtom in an run cuang. Nain, ka mitthlam zong ah a cuang bal lo mi lansung ah ka dir a si. Aih! Nan ngai tuk sual lai. Ka chim duh mi ah van biatak ta ning.

Zauk pennak nan duh maw? “Duh!”. Mah te khuakhan lairel nan duh maw? “Duh!”. Nan duh taktak maw? “Duh taktak!”. Zeidah na pek ve kun lai? “….”. Lehnak a tam lengluang cio ko lai. Kan pasaltha hna nunnak thisen, kan innlo vialte le kan sumpai viate hna ruah ah “kan siang lo tuk ko” hna ta. Sihmanhselaw, kan sianlo mi, kan duh lo mi thil hna cu kan miphun le kan ram i a thaizing ca luatnak le daihnak ca ah sianglo taktak in hitihin kan pek ko. Zalennak le daihnak ca ah sianlo bu in pekchanh mi khua. Thantlang a si.

Ka phan bal lo nain Ukraine ram Nuclear power plant puah ruang ah chuahtak mi khua Chernobyl khuapi maw ka lawhter deuh, ISIS ralhrang nih an hrawh mi Syria ram Aleppo khuapi dah ka ti. Thi rim a nam. Thlaan rim a nam. A min a hlam ko khi bang. A mawh lo. Ramtha hrin ai thawknak khua a si i, a min zong Thlantlang a si bang; nu nih nau a ngeih lio i thlantlang i a um bang, a thlantlang. A hriangbik khuapi. Luatnak nau hrinnak ding khua a si.

Dawt mi miphunhawi hna; Kan biak mi kan Pathian nih teinak a kan pek i, kan ral cu kan nawr cuahmah. Kan ral cu thlantlang i a parte ahkhin ai chang sawhsawh cang. Chuaklak in kan en khawh nakhnga kan thiamnak thil lian he thil hme he hehmaw tiah kan chuah cio than hna lai i, Thlankhur ah kan thlak khawh hrimhrim kolai. By’ Salai Tial Hram Ling