Press "Enter" to skip to content

Uar An Um Kho Tuk E : Kut Zung An Thlir Mi Nih Sullam A Ngeihter Mi Hna Cu

Kutzung langhternak nih an mah le an sullam cio an ngei dih. Tahchunhnak ah Kut zung (Mehtok) pakhat sawh cu RALRIN PEKNAK (Warning) asi, Kutzung pahnih (Mehtok le Laibawi) nih langhter mi cu DAIHNAK (Peace) tinak asi i, Kutzung pakhat lawng (Laibawi) sawh cu Pamhnak (Dirty Speech) asi. Kut zung 5 thlir cu NGOL CANG (Stop) tinak asi.

2014 Thailand Ralkap nih Aanaa an rak ting lio ah Ralkap Aanaa Ting dohnak ding caah Kut zung pathum thir in duhlonak an rak langhter. Kut zungthum a tlir mi pawl cu Thailand Ralkap nih an rak tlaih tawn hna. THE HUNGER GAME Movie chung i Ralkap Aanaa Ting duhlonak ah Kut zungthum an langhter mi kha Thai mipi nih an i lak mi asi tiah an ti tawn. 2016 hnu in cun Kut zungthum thlir hi kau deuh in a sullam an langhter. Mehtok = Zalennak (Liberty) Laibawi = Tlukrualnak (Equality) Nau Um = Unau Sinak (Brotherhood)

2020 ahcun Kut zungthum tlirnak cu Ralkap Uknak doh le Democracy Thohkhannak asi tiin a linsa țhan. Cucaahcun Kut zungthum thlir nih a langhter mi hmelchunhnak le a sullam cu:– 1. Ralkap Aanaa Ting Dohnak (Anti Coup). 2. Democracy Thohkhannak (Pro Democracy) Tinak asi. Kut zungthum thlir tu paohpaoh cu Biatak lei ah a dirmi kan si caah kan doh mi ral hi kan tei hrimhrim ko lai ti cu a fiang. Ref. .Wikipedia 2021

Be First to Comment

Leave a Reply

Your email address will not be published. Required fields are marked *