Press "Enter" to skip to content

Ukraine Nau Pawi Mi A Nei Deng Cang Mi Pawl Dir Hmun Le Sining Cu Zaangfah Tuk Bak An Si

Ukraine nu tampi nau a pawi mi a nei deng cang mi pawl inntang vawlei tangah sak mi inn ah nau neih ding an um hna,vawlei tang inn i an umnak a ruang cu,Kyiv khuapi a tu hi Russia bomb a thlak lengmang tikah bomh thlak nak kan him deuh lai tiah asi.nau a nei chom ding a si mi cu zoh le khen an hauh caah a chung khat cheu khat nih an um pi hna i ihnak thitha zongah a um lo tangah an za tein an ih dih hna.

Room pakhat ahhin naupawi mi hi ming pa 7 in an chiah hna i,fa a nei ding poh kha ihkhun cungah an ih ter hna,cu ti cun sii hna i rawnh an herh caah,cun a hnu deuh ah ram that deuhnak ah an thial than hna,nain an tam tuk tik ah ani har ngaingai,thinphang le tla lau in an um i doctor le nurse te nih a thli thup deuh in thawng a deih poh ah an zoh khen in an veh cio hna.

Ukraine pa nurse pakhat cu a mitthli tlak bu he tuzing ah a pic cu a post a ruang cu khuapi chungah kahdohnak a um peng rih caah,nu nau pawl an tam i an um nak hi zei tik caan poh ah bomb in a thlak khawh,a tulio i Russia nih bomb a thlak khun nak hi sianginn siizung cun zung pawl market lian hei ti pawl hmun deuh ah bomb a thlak hna.

sihmanhsehlaw Ukraine an president nih a mipi cu thangzang a pek zungzal hna,nan tha chia hlah kan teilai kan ram kan fale kan upi le kan veng him hna lai tiah forhfial nak a chim zungzal.Ukraine cu vawlei cung president vialte lak ah uar bik cem mi asi tiah mipi nih an rak ti dih cio cun Ukraine hi a mah nih sau cem a uk te lai tiah zumhnak a um.

THAWNGPANG DANG.SAC Ralhrang Ralkap Nih Thantlang Khuapi Cu Ni (2) Chung Pehzulh In Mei An Khangh Than Ruangah Minung Umnak Inn 100 Leng A Kaang!
Chin ramkulh Thantlang cu nawlngeihnak latu SAC ralhrang ralkap nih Febuary 25 le 27 ah mei an khangh than ruangah minung umnak inn 101 a kaang than tiah Thantlang Placement Affairs Committee nih cathanh an chuah.

Mei an khanghnak sang cu: Sehmuh zung sangah inn 24, bazar sang inn (22), sianginn sang inn (biakinn sang inn (42), TABC sangah inn (5) an si tiah an chim.Thantlang khuapi cu nawlngeihnak latu SAC ralhrang ralkap nih kum 2021 September (9) thawkin mei an khangh i, kum 2021 chungah vawi (18) bak mei an khangh i minung umnak (690) lengkai an ciam dih. Kum 2022 January chungah vawi (5) an khangh i, Febuary thla chungah vawi (3) an khangh cang ruangah inn (368) a ciam dih cang.

Atu tiangah Thantlang khuapi cu nawlngeihnak latu SAC ralhrang ralkap nih vawi (26) bak mei an khangh cang i minung umnak inn 1058 an ciam dih cang. Mei khanghmi ahcun mipi ngeihmi inn (9), biaknak he aa pehtlaimi inn (28), a dihlak fonh ahcun inn (37) bak an ciam dih cang.

Be First to Comment

Leave a Reply

Your email address will not be published.