Press "Enter" to skip to content

Ukraine President Nih Thong Tla Pohpoh Raldo Ding In Kan Chuah Dih Hna Lai Tiah A Chim

tuzingah Zelensky nih ukraine thong tLA MI pohpoh ral doh ding in kan chuah dih hna lai,kan ram hi veng kan herh caah thong tla pohpoh cu hmai tlang ah ral doh tikah kal ter an si lai,a ruang cu ram mi an si ve bantuk in kan ram caah leiba cham ding an nei cu caah cun kan ram veng ding in nunnak thap in an doh ve lai.
hi thil kan tuah mi hi thongtla chuah cu tiin zoh a chia ngai i soisel awk khin a um nain khat lei ahcun ram le miphun nih miveng tu minung tam pi a herh caah a chuah awk a si ko ti ah ruahnak zong a um ve.hi thong tla poh an mah ram nih an chuah hna bantuk in an ram le an miphun caah ral an doh hrimhrim ve lai ti ah a chim.


thongtla pohpoh kan chuah lai tiah biakhiah nak kan tuah cang a tu lio kan herh bik mi cu kan ram venghim hi a si caah,kan ram thongtla zong ka chuah dih hna lai nak hi a si.cu caah ramdang a hlei in european lei poh nih a rannak in Russia i a thil tuah mi ahhin action kan lak piak zau ko uh tiah a nawl chap fawn hna.

kawlram kongrel chap…Yangon ramṭhen, Hlaingthaya peng, Industry part 4 Myawaddi Mingyi lam ah a um mi Sunshine kawl thilthuam ṭhitnak factory cu February 28 zingka suimilam 9:00 hrawng ah a kaang. Factory ah hin rianṭuantu minung 500-700 karlak hrawng an um, tiah theih a si. Thilri chiahnak hmun in mei hi aa thok i factory ning piin a kaang dih, tiah a kanghnak pawng um mi pakhat nih a chim. Meikaang hi suimilam 2 chung ah Meithat zung rianṭuantu nih an thah khawh, tiah cathanh an chuah.

Sinte Khua Nih Electric Power An Ngeih Lo Caah Harnak An Tong: Pago ramṭhen, Pyi pengkulh nitlak lei ah a ummi Pangtaung peng (ပန်းတောင်း), Sinte(ဆင်တဲ) khua ah February thla dongh zarh in SAC ralhrang kuttang EPC zung nih nikhat ah Sml 2 hrawng lawng electric power an pek caah khua mi harnak an tong, tiah theih a si. Sinte khua hi a hlaan ah cun Sml 24 chung mei a ra ko nain atu thla in SAC nih mei an hmih, tiah theih a si.

Khuami nu pakhat nih, “Kan khua mei a rat lo nak ni 5 chung a si cang. Caan khel tein mei zong a ra kho ti lo, zing Sml 2 in a ra i zaanlei Sml 6 hrawng ah a mit ṭhan. Mei man a pe lo mi cu nan mei kan in hmih khanh hna lai an ti caah mi tampi nih mei man an pek nain a caan khel tein a ra hlei lo, hiti a si ding hi thei usihlaw mei man kan rak pe hnga lo!” tiah a chim. SAC ralhrang nih mei an hmihnak a ruang cu EPC zung rianngeitu pawl an hal hna i kan hngal lo an ti, tiah a haltu khua mi nih an chim.

“Mei a mihnak hi kei ka theih ning ahcun Pantaung(ပန်းတောင်း) khua EPC zung bawi pakhat aa ṭhial thok in a si, a hlaan bang electric bill ṭha tein a lak khawh lo caah aa thial. A tubantuk in mei a mih lengmang ahcun electric power bochan in ṭuan mi rian pawl tam tuk rawk lai,” tiah min langhter a duh lo mi pakhat nih a chim. Cu bantuk in Pyi pengkulh peng le khuate hna zong ah SAC ralhrang nih mei man hramhram in an hal hna nain caan saupi mei an hmih khanh hna, tiah theih a si.

Be First to Comment

Leave a Reply

Your email address will not be published.