Press "Enter" to skip to content

UN Ah Kawlram Mipi Bawmh Zau Dingin Zatlang Phu Tam Taktak Nih Min An Thut Cang

UN Security Council nih tuah ding mi Myanmar ram kong innka khar khumh tonpumhnak tuah ding an timh cuahmah lio ah, ”UN Security Council nih Myanmar ram kong hi a biapi bik ah chia in Myanmar mipi hna a rannak in zawlrun ding ah nan i hmaithlak awk a si,” tiah Zatlang Bu le Minung Covo Phu 300 tluk nih cathanh chuah in nawlnak an tuah.

Chin, Kachin, Karen( Kayin) tel in Myanmar ram hrinfa phu dang hna le Amnesty International, Fortify Rights le Minung Covo kong ah ASEAN Parliament Member pawl an itelnak phu tel in, Phu 286 nih minsen an thut in an hal mi ah cun, “Myanmar ram chung ah Minung hawi zawnruahnak a zor tuk i Myanmar mizapi cu zawlrun an herh tuk caah tutan UN Security Council tonpumhnak ah Myanmar mizapi humzual a herh,” tiah UN Security Council cu an forhfial.

February 1 in Kawl ralkap nih uknak an laak hnu in tutiang ah kumkhat a tling deng cang i UN Security Council nih Innka kharkhumh in tonnak nan tuah mi le Statement nan chuah mi luklak hi rianhma a kal lo caah tuahsernak in nan langhter a hau cang, tiah Zatlang Bu pawl nihcun an cathanh ah an telh chih. Atutan UN Security Council tonnak ah, Myanmar ram kong ah UN Special Envoy Noeleen Heyzer le Combodia Foreign Minister Prak Sokhonn zong an kai lai, tiah theih a si.

Credit: The Chin Post

Myanmar ramchung ah ralhrang nih hramhram nawlngeihnak an laak hnu kumkhat tluk ah, ngakchia a tlawmbik minung singkhat le cheu hrawng nih an umnak hmun kaltak in ralzaam dirhmun an phan, tiah ramkip ah bawmhchanhnak a petu phu pakhat Save The Children nih nihin January 28 ah cathanh an chuah.

Myanmar children in conflict-hit areas risk getting left behind — UN | Arab  News

Ralhrang nih nawlngeihnak an laak kumkhat tluk tiang ah ralhrang phu hna nih midang zawnruahnak he bawmhchanhnak rian a ṭuantu hna cung ah le ngakchia tel in mipi cung ah hramhram in an thil tuahnak vialte cu faak deuh le kau deuh in dohnak an tuah. A luancia zarhhnih chung, Kaya ramkulh le Sagaing ramkulh chung ah ralhrang phu hna nih bomb an thlak caah ngakchia zeimawzat zong an thi, tiah an cathanh chung ah cun an langhter. “A luancia kumkhat chung ah Myanmar ram huap in ngakchia singkhat le cheu nih an umnak hmun kaltak in ralzaam dirhmun an phanh hi lung faak tuk a si.

Ngakchia hi atu ah cun sianginn, anmah le inn le hawikom hna he umding an si, nain atu ah cun hmundang cio ah ralzaam dirhmun in an um hna. Ngakchia hna le an chungkhar cio cu duh thimnak ngei kho lo in ramlak ah khua an sa, ramlak ah i thup in, harsa tuk in an um hi kan hmuh ko. ‘Save the children’ phu lei zong nih an herhhaimi bawmhchan ding in an tuaktan ko,” tiah Save The Children phu in CEO Inger Ashing nih a chim.

Investing in Children in Myanmar | UNICEF Myanmar

Atu lio UN cachuah ning ah ralhrang phu hna nih hramhram nawlngeihnak an laak kumkhat chung in kahdohnak ruangah a tlawmbik minung 405,700 cu umnak hmun kaltak in ralzaam dirhmun an phan. A luancia thlakhat chung ah 27% tiang ralzaam dirhmun um mi an karh i Myanmar ramchung ralzaam dirhmun in khuasa mi hna chung in 37% cu ngakchia an si, tiah Save The Children nih an langhter.

UN cachuah ning ah cun 2021, February thla thawk in Kaya ramkulh chung mipi minung 91,400 cu ralzaam dirhmun an phan, tiah langhter. Asinain, a tak ah cun cunakin an tam deuh kho, tiah cu cathanh chung ah cun an langhter chih. A luancia 2021, December 24 ah Kaya ramkulh Pharusu (ဖရူဆို) peng Musu(မိုဆို) khua in minung 35 cu ralhrang phu nih an thah hna i cuchung ah cun ‘Save The Children’ rianṭuantu chungtel minung 2 zong an i tel, tiah theih a si.

The enactment of the new Child Rights Law by the Government of Myanmar a  landmark step – UNICEF

Cu thil a cang mi ruangah Kaya ramkulh, Chin ramkulh, Magway ramṭhen in hmun cheukhat le Kayin ramkulh ca timhtuahnak le riantuannak hna cu ‘Save The Children’ nih caan karlak chung an ngol rih. Save The Children cu Myanmar ramchung ah 1995 thok in ngandamnak lei, nutrition, fimcawnnak lei le ngakchia zohkhenhnak rian phunphun hna cu phu 50 leng le riantuantu minung 900 leng nih ramkip in an ṭuanmi rian a si. RFA’

Be First to Comment

Leave a Reply

Your email address will not be published.