Upat Awk Tlak Pasal Tha Hna Nih Kee Kan Neih Lo Zongah Raldohnak Ah kan kal Than Lai Tiah An Chim
Aluancia mi Febuary 11 ah Karani ramkulh Di Moe Su kahdohnak ah a kee khat abul mi mizapi vengtu phu KNDF-BO1 ralkap 3 nih kan kee a bul zongah kahdohnak kn i din hlei lai lo ralhrang an tei hna hlan poahpoah cu kan i tel ve peng lai tiah an chim.Kan kee cu kan pek cang nain Kan mit le ka hnakhaw kan ngeirih.Kan nih hi mizapi vengtu phu sin ah kan lutrih lai tiah kan lungchungah a chuak. Ralhrang kan tei hna hlan tiang meithal tlaih kan i tim ko rih tiah a kee bul mi mizapi vengtu KNDF-BO1 ralkap pakhat nih achim.
An nih pathum hi atu ah cun an keehma adam rih lo caah KNDF sii-inn ah an i thlop cuahmah lio asi.
An nih pa 3 hi an ker dam in an rian thing ah kir ai tim mi pasal tha an si.An lungput an ruahnak ram le miphum an zawnruahnak an thinlung hi upat tlak taktak an si tiah KNDF ralkap pakhat nih achim.
Hi hna pathum an rak i hliam ning an chim mi ah cun Pa 2 hi Di Moe So kahdohnak ah
Ralhrang nih an tarh mi Bomb an i lamh sual i kee khat veve a bulnak asi i, pa 1 cu ralhrang hriamngan nih a khen caah a kee khat a bul ve tiah theih asi.
Hramhram in ralhrang nih Uknak an lak hnu 2021 February 1 in 2022 March 2 tiangah Karani ramkulh chungah hramhram in uknak latu ralhrang phu le KIA, KNDF, PDF phufonh karlak ah kahdohnak voi 187 a chuak cang i KNDF, PDF in hriamtlai phu minung 87 nih miphun le ram caah an nunnak an pek cang tiah PKPF i thawng thanh ning in theih asi.
Lawng Sie in Saw khuapi lei ah a kal mi ralhrang pawl cu Ciah Tuang Kyaw ah an kahdoh hna i hliamhma fak an tuar
Kanpalet peng, Cin Duai khuate in a rak chuak mi ralhrang pawl cu Long Sie khuate ah zaan an riak i, March 3 ah Saw khuapi lei an kal lio ah Ciah Tuang Kyaw ah Long Sie PDF nih Bomb le hriamngan in kahdoh hna i chun nitlak nawn an i kahdoh caah ralhrang lei hliamhma a tuar mi an tam tiah Long Sie PDF nih thawng an thanh.Long Sie khuate ah nizan Sml 8:00 ah arak chuak mi ralhrang pawl cu Sml: 9:00 hrawngah Tuang Buh Ci khua lawnh i Ciah Tuang Tlang lawnh ah Long Sie PDF nih Bomb in an rak puah hnawh hna caah ralhrang lei athi mi le ai hliam mi an tam tiah theih asi.
Long Sie PDF nih Hriamngan in voi 13 an kah hna hnu ah Ralhrang lei nih hriamngan le hriamhme in a rak kah ve hna, zanlei sml 5:00 tiang an i kap, Kahdoh chugah ralhranglei motor rawklak in an kah piak khoh hna hliamtuar mi an tam i a hrum ai mi zong an tam tiah Long Sie PDF nih an chim.
Kahdoh chung hi Sml 8:00 Chunghrawng a sau i PDF lei in ai hliam mi le athi mi um lo tein hnu an tolh kho, ralhrang lei ai hliam mi le a thi mi cazin cu fiangfai tein theih asi rih lo.Mizapi nih theih ding ah Saw-Long Sie lam lei ah tlun kal rih lo dingin mizapi vengtu phu nih theihternak an tuah.
