US Bawmhnak Kan Laak Ahcun Kan Chia Kho; A Tutan Kanram Buainak Kongah Hin Kan Hlambik Mi Hna
US Bawmhnak Kan Laak Ahcun Kan Chia Kho; A tutan kan ram buainak kong ah hin kan hlambik mi hna cu,UNO le USA nih a kan zuanhnawh le a kan tlangtlak hi Chinmi lawng si lo in Tlaangcung mi vialte pinah kawlmi a tam u hi kan si lai ti usilaw kan palh theng lai lo dah.
Kum 2 a liang cang mi buainak ah hin ziah US siseh UNO siseh kanmah lei hoih ngaingai in an cawlcangh hnga lo tiah kan i ceih lengmang cio i,a chung thil kan theih ruang ahcun maw kan vai ceih leennak cu a si ko hnga zeidek.Kum 2 chung kan ram buainak cu ram chung mipi han nih Sia ruah tuarin an tuar cuahmah ko.
US nih cun nai ah khan bawmhnak cu million tamlak ka peek lai a ti.Cucu NUG lei nih US bawmhnak laak hi kan caah a ttha dihlo,hi kong te hmanh ah hin China le India an lau,cucaah US bawmhnak hi awltuk in kan laak ding a si lo,a tthatnak a um bantuk in a tthatlonak a um kho ve ti hi kan theih a herh caah bawmhnak paohpaoh hi laak ding a si lo e,tiah Dr.Lian Hmung Sakhong nih a chim.
Note:US nih a zuanhnawh i a bawmh taktak lo mi ram pawl hi an ram buainak ah hin zeipi khi thawngpaang an ngeituk theng hna lo in ka theih le kan nih cu US bawmhnak hna cu rawhnak pakhat bantuk phun i kan laak ve ahcun a tu kan dothlennak hi kanmah kut-ke te in kan tei lai tibantuk he khin ka lawhter i US bawmhnak hi cu a tutan kan ram buainak kong ah hin cun kan laak ah kan tthatpi deuh ko hnga lo maw tiah ka hei ruah.Nang zeitin na ruah ning a si ve? By- Tin Duh Thang
Chin Nusalttha Bia Chim Nih Ka Lung A Nuamhter Lo; Tuzing 25 March 2023,Zingka i Vaurawng ah bia a chim mi Chin Nusalttha Leeng.Mag Dalin le a hawi le nih bia an chim mi an bia ka ngeih le ka theih mi nih ka thinlung faakpi in a ka khoih i umawk ka hngal hrimhrim lo,anmah nih le ttihnak zeihmanh an ngei fawnlo ,tuah khawhmi le ka ngei lo i ka tuah khawh mi cu an caah thlacam lawng a si.
Tuzing i Nusalttha hna nih an chim mi chungin ka van laak duhdeuh mi cu”Ralhraang nih vanlong hmangin bomb an kan thlak lengmang mi kan theih tik ah hin kan thin a hungtuk ve i tihin ka ruat”Nini khat cu kan nih zong nih raltuknak vanlong hi kan cawk ve caan a um te lai i cutikah keimah bak nih cu vanlong cu ka khalh/mongh lai i ralhraang cu bomb in ka thlak ve te hna lai ti hi ka ruat,a ti.
A chim peh tthan mi cu,”Minung hi group pakhat i a um mi hi kan tam ngai i 100 renglo in tthen kan si caah meh hi cu kan heu bak,a caante i sa hna an kan thah piak ah hin kan pi kan pu le hna nih “Khah meh thoh khawh a si cang e an kan ti i cucueih te kan i ken i a cuh bakin kan i cuh tawn le a nuam ngaingai,cu ni ah sa an kan thah piak ti kan thei ko na in kan ilawmhtuk ah pakhat le pakhat kha,tuzan zeidah nan i meh lai kan i ti i kan hal mi hna nih,’kan nih cun sa kan i meh lai tiah kan i let/an kan leh tawn e,tiah nungak.Mag Dalin nih cun a ti.
Note:Motor hi datsy lo in a kal kho lo.Minung hi thazaang ngeihlo in rianttuan khawh a si lo.Chin ralkap pawl hi hriamnaam lawng pe luaimai hna usilaw hriamnam a kengtu pawl an rawl a ttam le thazaang an ngeihlo ahcun hriamnam an keng kho lai lo.Cucaah hriamnam calawng thazang chuahlo in hriamnaam a kengtu Chin ralkap an pawkimnak le an tthawnnak tiang in chap chin ko rih hna usih. Crd: Tin Duh Thang
