US, Britain Le Canada Nih Ralhrangbu He A Pehtlaimi Minung 7 Dantatnak A Tuah Hna
US cozah nih ralhrangbu hriamnam cawknak zung telh in ralhrangbu he aa pehtlaimi mining 7 le chawkhel rian pahnih cu dantat phihkharnak kan tuah cang hna tiah US Department of Tresury Jan 31 ah cathanh an chuah.
Dantat phihkharnak an tuahmi hna cu Commander-in-Chief of Army (ကာကွယ်ရေး ဦးစီးချုပ်ရုံး-ကြည်း) tang i hriamnan cawknak zung, Myanmar mirum U Tay Za le a fapa pahnih Htoo Htet Tay Za, Pyih Phyo Tay Za, Jonathan Myo Kyaw Tawng, biaceih bawi ngan bik U Thun Thun Oo, ramkomh biaceih bawi Daw Thida Oo le eihmuar dohnak commission chairman U Tin Oo hna an si. Cu pina mirum Jonathan Kyaw Tawng ngeihmi KT Group le KTSL company zong dantat phihkharnak tuahmi cazin chungah an telh fawn.
Rampi ruahnak petu Daw Aung San Suh Kyi le President U Win Myint telh in Democracy cawlcanghnak hruaitu hna tlaihkhih, biaceih le dantatnak a tuahtu ah biaceih bawi nganbik le eihmuarnak dohtu commission chairman hna zong an i tel caah dantatnak kan tuah hna nak a si tiah US Department of Tresury nih an cathanh ah an langhter.
Hi dantat phihkharnak kan tuahmi ahhin Britain le Canada zong an i tel ve tiah US Department of Tresury nih an cathanh ah an langhter fawn. Ref: RFA
