Press "Enter" to skip to content

US Le Britist Nih Kawlram Buainak Kong ah Tlawmpal te An Van i Thlak Ve Cang

SAC Airforce Ralbawi Minung 8 He Bridage 66 Le Company 5 Cu US Le Britist Nih Phihkhar HnaSAC airforce ralbawi airforce hruaitu bochohgyi Thun Aung,(ဗိုလ်ချုပ်ကြီးထွန်းအောင်) tainhmu bohmuchioh Ko Ko U(တိုင်းမှူးဗိုလ်မှူးချုပ်ကိုကိုဉီး) le tainghmu bochoh Zaw Heim(တိုင်းမှူးဗိုလ်ချုပ်ဇောဟိန်း) telh in minung 8, Bridage 66 le company 5 cu US le Britist nih phihkharnak a tuah hna tiah theih a si.

Phihkhar a tongmi hna ah hin Dr. Aung Moe Myint le Aung Hlaing Oo zong an i tel i Dr. Aung Moe Myit hi Dynasty International Company Ltd ah Director a si i Myanmar ralkap ca i hriam thilri cawknak lei ah rianngeitu pakhat a si. Cun Belarusian Chamber of Cammerce and Industry chungtel zong a si.

Aung Hlaing Oo hi Myanmar Chemical and Machinery Co Ltd(MCM) Director a si i MCM hi ralkap hriamnam le chawhlehthal nak ah a bawmtu hrampi a si tiah theih a si.Bridage 66 hi minung nunnak zeirel loin minung a phu phu in thahnawnnak tuahtu an si caah blacklist ah an khumh ve hna nak hi a si.

Britist le US nih an phihkharmi company hna cu ”Dynasty International Co Ltd, , Myanmar Chemical and Machinery Co Ltd, Belarusian Chamber of Commerce and Industry, Miya Win International Ltd, Intenationnal Gateways Group Company Ltd hn na si.

Htoo Group of Companies le Asia Green Development Bank Ltd cu US nih phihkharnak a tuah chap.

RELCHAP….Thla 8 Chung Ah EAOs Hmunhma Ah Kahdohnak Voi 2000 Leng Chuak2021, July 1 in 2022 March 20 tiang thla 8 chungah EAOs hmunhma ah SAC ralkap le mizapi vengtu ralkap kar kahdohnak voi 2,193 nak tlawmlo a chuak tiah ”Institute for Strategy and Policy-Myanmar” (ISP-Myanmar) nih a langhter.

Kahdohnak hna cu Kayin ramkulh, Kachin ramkulh, Kaya ramkulh le Chin ramkulh in EAOs hmunhma ah a cang i, cu chung in KNU hmunhma ah voi 1,775 nak tlawmlo kahdohnak a chuak .

EAOs hmunhma lawng si loin Ramthen le ramkulh hmunkip ah SAC ralkap hna le mizapi vengtu ralkap kahdohnak cu cu hlannak in a fak i a karhdeuh cang ,Ramtthen hna lak ah Sagaing ramthen hi a tambik kahdohnak a chuahnak asi i voi 293 nak tlawmlo kahdohnak a chuak tiah ISP-Myanmar nih an langhter.

A tu ah langhter mi nak in a takah kahdohnak a cangmi a tamdeuhkho tiah an langhter chih.

Be First to Comment

Leave a Reply

Your email address will not be published.