Press "Enter" to skip to content

US President Biden I A Nawl Chuah Mi Pakhat Cu Tih Nung Ko

US president Biden khal ni 7 sung US president a tuan hnuah thuthar sign mi 33 lai a nei man ih a duhdan in thil tamzet thleng vivo a tum. Asinan, US cu State tin in thu an rak neih ve tlunah tlangsuak upa , DC Court tivek a um vivo thawn president Biden ih thusuak pakhat cu tawpter sal a si.

Cumi cu ziangdang siloin US ram sungah daanlo in um pawl cu kaih le thubuai tuahsak lo dingah president thar Biden in ni 100 sung caan a pek betmi a si ih a cangthei a si ahcun US ramsung um pohpoh cu US rammi sinak pek vivo khal a huamlam. Asinan, president ih thusuak cu Federal Judge in a tawpter salih a kelih feh dingin thu a suah.

Ziangahtile, state sung remthat salnak ,fimzirnak le harhdamnak thuhla ah buainak tamzet a um ding tiah Texas sihni Ken Paxton in thubuai a thehlut ruangah a si. Hivekin thu a umnak san cu daanlo in US ramsung ih um pawl cu dawisuak dingah thu an botcat zo hnuah president thar in amai thu in ni 100 sung caan pek bet a tummi a si.

Tukhalah president zung lam cun an duhdan bangin fehsuak theisal dingah tan an la hrih ih ,khatlam in duh lo tluan dingin tan an la ve. Culawng siloin sihni Paxton cun president Biden cu a sulhnu thilruangah zingzoi thup rero a si rero thu khal a rel cih.

Himi cu Biden in US president si thei dingih a cuh laiah mipi thu a rak tiammi a si ih mipi tamzet cun an tawmpi zet. Ziangahtile, harsat zetin US an lut thei ih cumi hrang caantha tuahsak cu a tha tuk rori tiah an ti ve. Asinan, sihni Ken Paxton cun President thusuahmi dokalh in thubuai a thehlut ih US District Judge Drew Tipton cun President Biden ih thusuak cu phihsakin sihni Ken Paxton ih thubuai thehlutmi a pompi sawn a si. ( Newsmax ) vapualauaw

Be First to Comment

Leave a Reply

Your email address will not be published.